Kolasib District-a North Thinglian khuaah chuan nimin zing khan hel pawl nia rin mi 4, silai keng ten mi 1 an kaphlum.   Kolasib Police-te hnen atanga AIR Corr. thu dawn danin
misual te kahhlum hi Bru mi, Bilburam a nia, amah hi kum 35
vel mi, Assama Hailakandi District-a Hatichhora atanga Noth
Thingliana lo pem a nia, a nupuite chu Hatichhora-ah hian an la awm nghe nghe a ni. Heng misual te hi a in kawngkapui leh kawmchar lam atangin a rualin an luta, an kah hlum hnuah a ruang hi a in atanga metre 50 vela hla, pawnah hmuh a ni a, mita hmututen Police an hrilh danin a kaphlumtute zinga mi 1-in silai a kenga, midang chu Pistol keng niin an sawi a ni.
 A ruang hi Kolsaib Police O/C Pu Lalrinawma leh a hote chuan Kolasib-ah an rawn la tawha, vawiin hian Postmortem a ni anga, he mi hnu hian vui turin a chhungte hnenah hlan a ni ang. Bilburam an kahhlum chhan hi hriat chian theih a la ni rih lova, tunhnaia ABCI mi rukbo kaihhnawih nge thil dang vang tih te chhui zui a ni ang.
 Misual.com-a tarlan anih dan:- Date: 17.7.2011 zing dar 9 bawrvel khan, Tuikuk hel nia rin mi 4 in, Thinglian khua ah Tuikuk pakhat an kaphlum, an kah chhan hi Mizoram Police te tunhnaia a in ah an chawlh luh vang leh information pe tu ah an ngai anih rin thu a sawi a awm, a awm ah leh a malpui ah AK47 silai nia rin a kah ani, Pawn atanga ko chhuakin tlan chhe hman lo in an kap.