India-in Qatar hneh
 Kan India national football team chuan anni aia FIFA Ranking-a sáng fe zawk Qatar national football team chu an hneh nawlh mai.
 FIFA Ranking-a 147-na ni mek India, leh, 94-na ni mek Qatar te hian nizan khan international friendly match an khel a.  Hetah hian India hi min.16-naa Sunil Chhetri (pen) leh min.73-naa Sushil Singh te goal thun hmangin 2–1 in an chak a ni.
 India hi 'FIFA World Cup 2011' qualifying-ah UAE nen July 23 [away-ah] leh July 28 [home-ah] te khian an inkhel dawn a.  Asia khawmualpuia football thiam ram-te laka chak khât ve tak mai India team hi nizana Qatar an hneh avang hian UAE an hmachhawn hunah pawh phurna leh huaisenna an neih phah ngei a rinawm.

Brazil leh Argentina te an tla
 South America khawmual-puia awm ram hrang hrangte zinga football thiam ber zawnna neih mek 'Copa America 2011'-ah chuan champion dinglai Brazil leh a thlengtu Argentina te chu Semi Final thelng zo lovin Quarter Final-ah an tla ve ve.
 Brazil hi Q/F-a an bitum Paraguay chu nizana an inkhelhah a khelhah chuan hneh hle mahse goal an thun theih tlat bik loh avanga extratime tawp thleng pawha 0–0 a in-draw-pui hnua tiebreak penalty shootout an neihah a vanduai zawkah an \ang a.  'Copa America'-a champion ngun-ber Argentina pawh hi Q/F-a an khingpui Uruguay chu 1–1 a an in-draw-pui hnua tiebrteak penalty shootout an neihah a vanduai zawkah \angin, 1993 hnua an champion leh hmasak-ber \um tur an la nghah leh rih a ngai leh ta.
 Q/F match dangah tukin khan Venezuela chuan an khingpui Chile chu 2–1 a hnehin;  Peru pawhin an khingpui Colombia chu 2–0 in an hneh bawk a.  Tihian, S/F-a an intum dan tur chu– Peru vs Uruguay;  Paraguay vs Venezuela a ni ta.

Japan an champion
 Germany rama nizana zawhfel tãk 'FIFA Womens World Cup 2011'-ah Japan an champion ta.
 Nizana Final khelhah Japan hi champion hlui USA nen an inhmachhawn a.  Hetah hian Japan hi 3–1 laia chakin;  Asia khawmualpuia awm ram hrang hrangte zinga 'FIFA Women's World Cup'-a champion hmasa-ber an ni ta a ni.

LDFA thuthar
 LDFA (Lunglei District Football Association)-in a hnuaia football club in-affiliate te 2011-12 season-a an awmna tur chinfelna a buatsaih 'LDFA Relegation/Screening Tournament' chu tluang taka zawhfel a ni ta.
 Inrinni liamtaa II Division lama 'Playoff Final' neihah Electricveng SC chuan an khingpui Farmveng SC chu 3–2 a hnehin I Division an kái a.  Bazarveng SC pawhin an khingpui Zotlang GSA chu hun pangngai leh extratime tawp thlenga 2–2 a an in-draw-pui hnuin tiebreak penalty shootout-ah 3–1 a hnehin I Division an kái bawk.
 LDFA chuan [elementary stage] school naupang ten 'Monsoon Vocation' an neih mek denchhenin naktuk (July 19, Thawhlehni) zinglam dar 10:00 atangin Thuamluaia Mual-ah 'Under-12 & Under-15 Football Festival' an buatsaih dawn a.  U-12 lamah hian team 18 lai tel dawnin;  U-15 lamah hian team 17 lai an tel dawn tih 'Ralvengtu' chuan thu kan dawng.

Germany-ah Pedrosa a chak ber
 MotoGP lama Kumin 2011 Season-a intlansiakna vawi 9-na tur atana nimintlaia 'German MotoGP 2011' neihah Repsol Honda Team rider \ha Dani Pedrosa chuan hnehna a chang.
 'Sachsenring'-circuit-a intlansiaknaah hian pole position atanga bul \antu Casey Stoner chuan a tirah hma hruai phawt mahse a tlan chak fàl theihloh avangin lap 5 hnu vel lekah MotoGP World Champion nilai Jorge Lorenzo chuan a lehpel a.  Chutah, Yamaha Factory Racing rider \ha Lorenzo leh Repsol Honda Team rider \ha 3– Stoner, Pedrosa leh Andrea Dovizioso te chu inhlat lem lova in-um rengin;  a tawpah thla 2 vel lek liamtaa a khingkhang-ruh a tliah avanga la damkawr tak mai Pedrosa hi finish line thleng hmasaber-ah a \ang a ni.
 Nimintlai intlansiaknaah hian Lorenzo, Stoner leh Dovizioso te chu 2-na, 3-na leh 4-na te an ni a.  Hetih lai hian MotoGP World Champion hlui Valentino Rossi erawh a Ducati Team-te bike chak lemlo tak hmangin 7-na daih a ni thung.

Riders' C'ship Standing thar :
 1. C.Stoner (Repsol Honda Team) 168
 2. J.Lorenzo (Yamaha Factory Racing) 153
 3. A.Dovizioso (Repsol Honda Team) 132
 4. V.Rossi (Ducati Team) 98
 5. D.Pedrosa (Repsol Honda Team) 94