By Special Reporter: MZP Hqrs., Lunglei chuan vawiin dar 11:00am khan Mizofed kawt-ah Offer of Appointment Letter an halral.  Dt.9th Feb 2011-a Village Level Assistant (MGNREGS) atana Offer of Appiontment pek tawh, H.Laltlanzuala s/o H.Vanlalhluta Bunghmun chu Mizoram Sawrkar hnena Offer of appointment pek a nih ang ngei a a hna thawh tir tura ngen na thlen a nih hnuah tun thlenga hlawhtlinna hmuh a la nih loh avangin lungawi lohna lan tir nan Offer of Appointment Letter No. B.13018/51/10-DRDA(L)/MGNREGS(S)/291 Dated Lunglei the 9th Feb 2011 chu MZP Headquarters Lunglei chuan a halral ta a ni.
 
He huna MZP poster phochhuahah chuan thu chi hrang hrang- “Thuneihna inlaksak fo hi em ni ‘Change’ chu” tih te, “Rorelna Dik leh Tha Sawrkar kan duh” tihte a inziak a. “Dikna chu luipui kang ngailo angin luang zel rawhse” tih thu puan chhuah pahin Offer of Appointment letter hi hal a ni ta a ni.
 
VLA  atana Offer of Appointment lehkha siam a lo nihna chhan nia lang chu- DC leh Selection Committee-in Bunghmun Block-ina tawngka-a VLA 1 an dil belhna chu awm an tihpui a. Sorkarin khaw zat leh VLA awm tur zat a bituk an la phak loh nasat avangin Post 1 ruakah 2 an recommend a, offer peka an duh dawn chuan sawrkara post 1 dilpui tumin thahnem ngaiin an ti a. Mahse, Sawrkar-in prior approval awm hmasa lo chuan tumah MGNREGA hnuaiah mi appoint lo turin DC zawng zawng a hriattir ta si a. District Office-te hian sawrkarah post fill up dilna hi lo dil lawk pawh ni sela tuna DC hova Selection Committee-in interview-a an performance atanga an recommend hi lak an phalsak kher ang em tih erawh hriatthiam a har mai thei. DC leh Official-te hian Lunglei District hmangaiin thil tha tih duh niin an lang a, chutih laiin  hetiang thil hi a lo thleng zui ta a ni.

MZP Hqrs. Lunglei chuan vawiin chawhnu khan hemi chungchangah thuchhuah thar siamin, chu chu a ngai ngaiin a hnuaiah hian tarlan a ni e:-

PRESS RELEASE
Mizo Zirlai Pawl Headquarters Lunglei chuan Dt.9th Feburary 2011-a Village Level Assistant (MGNREGS) atana Offer of Appointment pek tawh tun thlenga Party Politics avanga a hna thawh tir loh Dt.2nd June 2011-a Rural Development Minister Pu R.Lalzirliana hnen a a hna thawh tir tur a a ngenna in awmzia a neih loh avangin Offer of Appointment Letter No. B.13018/51/10-DRDA(L)/MGNREGS(S)/291 Dated Lunglei the 9th Feb 2011 chu Dt.25th July 2011 Dar:11:20 a.m khan Mizo Fed kawt Venglai, Lunglei ah halralna hun a hmang a ni.
        He hun hi Benjamin Vanlalfela Treasurer MZP Hqrs Lunglei in a kaihruaia, he hun a thu sawi tu Pu Lalbiakchhunga Ralte, President MZP Hqrs Lunglei chuan “VLA atan hian Interview Board District Programme Co-Ordinator/Deputy Commissioner Lunglei hova thukhawm chuan mi pahnih Lallianzuala leh H.Laltlanzuala chu he hna atan hian Offer of Appointment an pe a, H.Laltlanzuala hian he hna hi Dt.11th Feb 2011 khan a thawk duh a ni tiin, a hna thawh lai ICDS Office atangin banna a theh lut a, amaherawhchu Party Politics rawn lut in Official tena dik leh fel fai taka an lak chu Party Politics avanga kal tlangpui lo tura tih a ni ta hi MZP Hqrs Lunglei chuan a dem takzet a ni. Kan sawrkar rorelna dik duh tute hian thuneihna inchhuhsak zel hi em ni change a tih? Dikna hi a ni lawm ni luipui anga luang tur chu, hetianga thuneihna kan Centralised zel chuan Zoram zim te a cheng Zofate hi kan in then darh mai ang tih a va hlauhawm em? Heti khawpa rorelna dik a awm theih nana sawrkar kal dik lo tur venga pawl hrang hrang MPF, PRISM, SOSA, MZP, MSU, YMA leh pawl dang dang ten thahnem ngaia sawrkar an venpui laia ven sen loh a ni hi pawi kan ti a, Sawrkar kal dik lo tur venna kawngah MZP Hqrs Lunglei hi hnung tawlh a tum lova a kal zel dawn a ni tih hi kan sawrkar thuneitu te hian lo hre mawlh rawh se, rorelna dik chu kan ram ah lo luang zel sela, Party Politics avanga dik lo taka thil tih te he kan documents halral hian thian fai mawlh rawh se” tiin a sawi a ni.
        He hun hi H.Muansangpuia Secy i/c Games & Sports & Organisation in tawngtaina  a a hlan hnu ah Sawrkar laka Lunglawi lohna lantir nana Poster tar na hun hman a ni.

“TANRUAL HI CHAKNA”
Sd/-MOSES LALRINCHHANA CHINZAH
     Secretary
 MZP Hqrs Lunglei.