13 Oct: Mizo Zirlai Pawl chuan Mizoram chhungah Cachar SSA hnuaia enkawl School –awm nia sawiin sorkarin ngaihthah lo se an duh thu an sawi.
    Hemi chungchanga nimina an thuchhuahah MZP chuan an thudawn bawhzuia an enfiahnaah Cachar leh Mizoram inrina a Mizoram huam chhung, Phainuam, B Tlangnuam-a khawsa Pu Thangkhawliana leilet ah Cachar SSA enkawl Upper LP Sikul (EGS) a awm ngei thu leh kumin February thla khan cheng nuai 7 sengin sikul hi sak tan niin an sawi a, tunah hian kar thum vel Sikul an kai tawh nia sawiin, Bengali zirlai 80 leh zirtirtu pahnih bakah Voluntary Teacher ten an enkawl mek a ni, an ti.
    Hei bakah hian Cachar SSA enkawl Sikul, Saihapui ‘V’ ah pawh a awm tih an finfiah nia sawiin,MZP chuan a tirah chuan he Sikul hi B.Tlangnuam-a sak tum,hmanrua lakkhawm a harsat avanga Pu Thangkhawliana leilet ah sak ta niin an sawi a, an sak tan dawn hian Pu Thangkhawliana hi cheng sang 3 pek a ni an ti.
    MZP chuan Assam nena ramri buai a awm reng lai a, Mizoram chhung ngeia Assam sorkar hnuaia SSA sum hmanga Sikul building sak a ni chu pawi a ti thu sawiin, hei hian Mizoram ramri humhalh a tul zia a tilang a ni an ti a, Mizoram chhunga Cachar SSA Mission enkawl Sikul a awm chu Mizoram Sorkar-in ngaihthah lova a rang lama nawr chhuak turin an phut thu an sawi.