MJA inthlang tur boruak a tha
    MJA Lunglei chuan tunthla 28 January hian Lunglei Press Club ah hrauitu thar an thlang dawn a, nimin khan inthlan hriattirna hi chhuahin  MJA dan bu in a sawi angin, MJA Lunglei Term 2010-2012 chu alo tawp tak avangin 2012-2014 chhung atana an pawl hruaitu tur an thlang dawn a ni.
    Inthlan turah hian post chuh tumte chuan Nomination an file tur a ni a, Lunglei Dist chhunga MJA member dik tak thlawptu pakhat aia tlemlo an neih a ngai thung. Post thlan tur te hi-President, Vice President, Treasurer leh Executive member 5 a ni a, hei hi 23-26 January 2012 chhungin Nomination File tur a ni a, 27 January ah enfiah na neiin 28 January ah Vote thlak a ni ang.
    Vawiin khan mi thenkhat chuan nomination hi an file tan tawh a, mipakhat hian term 2 chuh zawn theiin, tuna OB nilaiah hian term 2 chelh lai an awm lem lo.

BCM hnuai-ah Conference nei dawn
    Naktuk, 26-29 January, 2012 chhung hian  BCM hnuaia Evangelistic Team Conference,  Serkawn Biak In-ah  ‘Thiltihtheihna-a Thuam’  (Luka 24:49)’ hmangin neih a ni dawn.
    Thupui then hrang hrang hmangin Rev. Lalthanliana Hnamte,  Rev. F.Sangvela, ES Aizawl, Rev. Dr.K.Raltawnga, President Elect; Rev. C.Ngurhnema, AGS; Rev. R.Lalbiakliana;  Rev. C,Vanlaldika; Rev. Dr.K.Lalrinthanga AGS; Rev. H.Lianngaia Gen. Secy;  Rev. Dr.K.Thanzauva te’n thu an sawi ang.
    Tunah hian BCM hian Recognised  Evangelist team 43 a nei a; team khat atangin mi 4/5 vel theuh tel tura beisei an ni

Truck Owners-in Assembly nei dawn
    Lunglei District Truck Owners’ Association chuan naktuk hian TOA Office (Pu Samson Zoramthanga Building), Chanmari-III ah General Assembly neih an tum.
    LDTA hotute chuan he Assembly-ah hian member zawng zawng kal theuh turin an hriattir a, lehkha hmu lo pawhin hei hi hriattirna anga ngaih nghal tur a ni. Member kal te hnen ah chauh DA tha tak pek an nih tur thu an sawi a, hruaitu thar thlanna neih tum niin, tlai lamah chawhlui kilho nghal tur a ni ang.

TKP Diamond Jubilee kharna BCM, Lunglawn-ah
    Thalai Kristian Pawl Diamond Jubilee kharna Inkhawm chu Ni 8.2.2012 (wed) zanah BCM Biak In, Lunglawnah neih a ni dawn a, Tv P.C Vanlalrova, Vice President MTKP-in inkhawm a kaihhruai ang a, thupui atan ‘Min Hruaitu Lalpa’ tih a ni.
    Ni 22.1.2012 Pathianni chawhnu Dar 2 khan Lunglawn Unit pawh MTKP Hruaitute’n an tlawh a, Jubilee kharna bakah hian Ni 9.2.2012-ah MTKP Rorel Vawi 58-na chu Lunglawn Kohhran hian an thleng nghal bawk ang.
    Vawiin [25, Jan] Chawhnu Dar 1:30 khan MTKP Executive Committee thukhawmin MTKP Rorel leh Jubilee kharna  etc. an  thlir lawk bawk.

Soil & Conservation Deptt. Staff Inhlanthar
    Nimin chawhnu dar 1:00 khan Soil & Conservation Deptt. chuan an Office-ah Inhlantharna hun an hmang a, Lunglei District chhung hmun hrang hrang atangin thawktute an kalkhawm tha hle ni a thudawn a ni. DO chuan kalkhawmte chu fuihin, mipui rawngbawltu an nih intheihnghilh ngailo tur leh Pathian tih chunga hnathawk zel turin a chah hlawm a ni.