Thisen petute chungah lawm
 AVBD Lunglei te chu nimin khan chairman Dr K.Lalsanga Medical Supdt. Office-ah an \hu-khawm a.  Kum ralta a tlawmngaia midangte tana thisen petu mimal leh pawl ho zawng zawngte thiltih chu lawmawm an tih thu an sawi a, kumthar atana an hma lak dan turte duang tharin  thisen pek kawnga midangte zirtirna (awareness campaign) neih leh an rel a.  Tlawmngai pawl leh Kohhran \halaite khawpui leh thingtlang khuaah a theih anga hma lak nise, Pawl hminga awareness campaign hi nei tura feh chhuah te an rel a, hei bakah  AVBD member atan Doctor rual engemaw zat an ruat a, Patron atan Pu S.Laldingliana Parl.Secy, Health & Family Welfare Dept. changtu leh District Bawrhsap Pu V.Sapchhunga te an ruat  a ni.

Harsa-te hnenah tanpuina pe
 Vawiin, 63rdRepublic Day pual hian heng Damdawiin/Centre/Home hrang hrangah te hian hetiangin tanpuina pek a ni. Civil Hospital, Christian Hospital Serkawn, District Jail, TNT Kalvary Centre (Hrangchalkawn), Bethel Centre te cheng 1,500 \heuh pek an ni.  Rescue Centre (Kawmzawl), Baptist Church Orphanage (Serkawn), Chhawmdawlna In (Melte), Mercy Home (Zohnuai), WADA Centre (Chanmari) te cheng 1,000 theuh pek an ni.

Rising Day lawm dawn
 Writers’ Club Lunglei te chuan Jan.28, Inrinni dar 11:00am-ah T.Lalzika In, Salemveng-ah an Rising Day vawi 12-na an lawm dawn.  Hetah hian hruaitu thar an thlang nghal dawn a, inthlan zawhah inpawlhona hlimawm tak buatsaih tum a ni.  Hetah hian BCN Ralte kaihruaina hnuaiah ‘MPSC Exam Centre hmang \angkai tura intuaihriam’ tih thupui an sawiho dawn a ni.

Lightning pawl; TNT-ah an che
 Vawiin chhun dar 12:00 khan Leitlang Lightning (Bullet Bike neitu intelkhawm) chuan Republic Day Ride neiin TNT-ah \anpuina an pe a, sum leh pai an thawhkhawm pein hun an va hmng a ni.  Tunhma pawhin mi harsa leh rethei zawk tanpuiin, hun an lo hmang tawh thin a, tun tuma an tih ang hian hmun dangah pawh tih zel an tum niin, kan palaiin thu a dawng.

Pathian chawimawi dawn
 Sakawlh hlau pawl tia hriat te chuan Electric Veng-ah Pathian chawimawina hun an hmang dawn a, ngawrh takin an in buatsaih mek.
 Pathian chawimawina an neih tur hi Mizoram pumhuap a ni dawn a, hmun hrang hrang atangin an pungkhawm dawn a ni. Chawimawina an neih hun tur hi la ruat fel chiah lo mahse, February thla tir lam a nih rin a ni.

BCM Gosen an hlim zel
 BCM Gosen (Electricveng) chu tunlai hian an hlim hle a. Vawiin pawh hian awmni khama Pathian faka inkhawmna leh zaikhawmna neiin, tlai lamah ruai an \heh dawn a ni.