Lecturer lungawi-lo badge dum bel
 2 Feb: Nikum-a Mizoram College Teachers’ Assn. (MCTA) General Assembly, Aizawl-a thukhawm chuan thutlukna an lo siam tawh angin, sawrkar-a an thil ngiat tihhlawhtlin a nih loh avangin lungawi lohna an lantir a, vawiin atang khan badge dum an bel.
 Lungawilohna lantira badge dum an bel hian 2,3 leh 6 February 2011 chhunga awh ang a, an duh anga hmalakna a awm loh chuan 7 Feb. emaw hian Non-Teaching Day hman an tum a ni.
 An lungawi loh nachhan hi an arrear dawn tur leh service chungchang a ni deuh ber a, MCTA hian sawrkar hnenah 15 Dec’11 thleng deadline  a pek laia eng thil mah tihsak an ni lo tih an sawi a. Tunah pawh sawrkar hian January thla thleng nghak tura a tih leh laiin, hmalakna a awm zui  chuang lova, hemi avang hian lungawilohna hi an lantir ta niin an sawi.

BCM Choir Music Video thar
 2 Feb: Vawiin tlai dar 3:00 leh 4:00 inkar hian Sap Upa leh Pu Buanga Hall, BCM Office, Serkawn-ah BCM Choir Music Video thar, “Ka Nun Hnar Kaitu,” tih chu tlangzarh a ni dawn.
 He hun hi Pu R.Lalromawia, Director, BCM Choir chuan kaihruaiin, Pu PC Lalchunglura, Conductor, BCM Choir chuan report a pe ang a, Pu K Hamlet-a’n Music Video hi thlirlawkna hun a hmang dawn a ni.
 Music Video hi Rev. R Lalbiakliana, Director, Worship & Music, BCM chuan a tlangzarh nghal ang a, zaipawl-te’n hla an rem bawk ang.
 
RTE leh CCE a taka kalpui tura inzirtirna neih a ni
2 Feb: Vawiin khan SSA Mission Lunglei te buatsaihin Rampuma hman tura Sorkar lai puiin a lo rel tawh Right to Education (RTE) leh Continous Comprehensive Avakuatin (CCE) a taka kalpui tura inzirtirna (Implementation Campaign) SSA Model School,Lunglawnah neih a ni a, he hun Pu C.Lalhmangaihzuala Dy DPC kaihhruaiah hian Pu Kawlkunga Kawlni Dy DPC chuan keynote addrress pein Shiksha Ka hag Abhyan RTE & CCE implementation campaign Lunglei Dist-a neih a lo ni ve ta chu lawmawm a tih thu sawiin Zirlai te tan ni chhinchhiahtlak tak a nih thu a sawia, Central sorkar chuan zirna hi a ngaipawimawh em em a, India Constitution hman tan ni 26.1.1950 atangin article 45 ah  Directive Principle of state Policy ah chuan India constitution hman tan atanga kum 10 chhungin State 22 in kum 6-14 zirna an pe vek tur a ni tih a lo ni tawh a.  Elementary chu Fundamental Right-ah dah a lo ni leh a,The right of Children to Free and compolsory Act 2009 hi India ram pumah 1.4.2010 atangin hmantan a ni a, a tirah state 20 in an hmang nghala, Mizoram pawh kan tela. 11.11.2011 khan Union HRD Minister Kabil Sibal chuan Haryana Stata Mehwet Dist-a Muh school ah Shiksha Ka Hag Abhyan hawnna dar chu vuain a lo hawng tawh a ni. Mizoramah chuan he campaign hi Feb 2012 chhunga Dist zawng zawnga hmang turin State Project Office atanga hmang tura tih kan nih angin vawiina Lungleia Dist-a kan hmang hi a hmasa ber kan ti ta a ni tih a sawi a, hemi hnu ian Pu R.Laldawngliana DPC chuan  School hi khua leh venga hmun mawi ber ni tur leh Dar a ik apianga naupang tan school tan hun maini lovin naupang school kallo naupangte a ko a ni tih entir nana RTE leh CCE hmanna dar chu a vua a, SSA Model school Lunglawn naupnagte bag leh zirlai bu a sem hlawm a ni.

MNF thalai hruaitu inthlang thar
 2 Feb: MNYF, Sub-Hqrs. Lunglei hruaitu thlan tharte :  President - H Lalroliana, Lunglawn; Vice President - F Lalzawmliana, Ramthar; Treasurer - F Lalneihtluanga, Sethlun.
 A hnuaia tarlan ang hian General Secretaries ruat nghal an ni :  Lalrotluanga, Chanmari; Aldrin Laldinpuia, Ramthar-veng; T.Lalbiakzama, Rahsi-veng; C.Lalbiakmawia, Pukpui, Lalhmingliana, College-veng; K.Laltanpuia, Theiriat; R.Lalnunzira; College-veng; Lalthanpuia, Pukpui leh Lalennawma, Ramthar-veng te an ni.

Power supply  khaihlak leh dawn
 2 Feb: Inrinni, 4 Feb 2012; dar 9:00am – 2:00pm chhung leh 6 Feb 2012; dar 7:00am – 10:00am chhung hian 33KV Sub-Station, Lunglei-a power lakluh dan siksawi a tul avangin Bazarveng, Electric-veng, Venglai, Chanmari, Serkawn, Zotlang, Zotlang bakah Civil Hospital, All India Radio, Saikuti Hall, BSNL, Circuit House, DC Office & In, Thana-ah te power supply a awm dawn lova;  P&E Deptt.in hriatthiamna an ngen.