Silver Jubilee lawm dawn
 Pentecostal Youth Department (PYD), Ramthar Local chuan naktip 15 Feb. hian Silver Jubilee an lawm dawn. Hemi ni zing dar 10:00-ah Upa Lalsailova, Chairman, Ramthar Local UPC-in Lungphun a hawng ang a, Inkhawmin a zui nghal ang. He inkhawm hi Bro. Isak Vanlaltanpuia, Chairman, Silver Jubilee Sub. Committee-in a kaihhruai anga, Hruaitu hlun chawimawina te neiin Rev. PC Lalrosanga, Rahsiveng Bialtu Pastor-in Pathian thuchah a sawi ang. Tlai-ah Jubilee Ruai an theh ang.
 Zan dar 6:30-ah Inkhawm neih leh a ni anga, Bro. Saithangpuia, Secy., Silver Jubilee Sub. Committee-in a kaihhruai anga, Rev. PC. Lalrosang bawkin Pathian thuchah a sawi ang.

YMA Conference-na tur siam mek
 YMA Sub-Hqrs Conference, 20-22 March, 2012 chhunga, Buarpuia neih turah chak taka hma lak zui mek zel a ni a, Inrinni khan hnatlangin pandal sak hna hi tan a ni tawh a, tunah hian pandal siamna tur hmanrua te pawh Buarpui-ah hian a thleng kim tawh a ni.

Lusûn khawhar
 Pu C.Dâruma (94), Bazarveng chu tukin dar 8:45am vel khan awmlai-in a boral a;  naktuk chhun dar 12:00-ah vuiliam a ni ang.  Pu C.Dâruma hi Mizoram Assembly Deputy Speaker hlui, Pu C.Lalrinsanga leh Health Dept. Director, Dr. C.Lalthanmawia te pa a ni.

Kang tanpuina a lut tha
Saiha Kang tanpui nana YMA Sub. Hqrs., Lunglei chhunga Branch hrang hrang atanga lutkhawm chu Rs. 4,25,587/- a tling a, blanket leh silhfen thahnem tak a lut bawk. Hmun dang atanga pawisa leh thawmhnaw lo lut khawmte nen naktukah hian hlan turin CMYA aiawhte leh Sub. Hqrs., Lunglei O.B thnekhatte Saiha-ah an kal ang.