Mizoram Baptist Kohhran Assembly aiawh Committee, Assembly Executive Committee Meeting chu karliamta Nilaini leh Ningani khan  Sap Upa leh Pu Buanga Hall, Serkawn-ah neih a ni. He rorelna sangah hian Damdep, Vathuampui, Zawlpui, Vaisam leh Diltlang bial te siam thar a ni a, Vaisam bial hi Lunglei South ABC huam chhungah an awm anga, Hauruang bial hi Lunglei North ABC hnuaiah an la awm chhunzawm ang. Zawlpui Bial hi  Pastor Ngurhnema’n a hawng nghal a ni. Hei bakah hian Mizoram Baptist Kohhran Assembly Executive Committee chuan Aisa Pacific Baptist Youth Conference, December 27-30 chhunga Hongkong-a neih turah BCM Zaipawl te tirh a remti a, Kohhran thu pawimawh tak tak dang te pawh rel a ni. BCM Assembly Executive Committee hi kum khatah vawi hnih an thukhawm thin a, tun tumah hian ABC aiawh, Bial aiawh leh Assembly aiawhte bakah Department hotu lute nen member 190 vel an tel a ni.