Sports

Kum 2 vel zet tennis a chawlhsan hnua Nakum 2010 lam atanga tennis khawvela rawn letleh tum Justine Henin chu Nakum 2010 January thla neih tur 'Australian Open 2009' atan wildcard entry pek a ni.
    Belgian mi Henin (27) hi May 2008 khan Hmeichhe World No.1 a nihlai atanga tennis a chawlhsan vang vang hnuah thla-hmasa (Sept) khan Nakum 2010 atanga tennis khawvela rawn letleh a tum thu a puang a.  Chutah, Australian Open tournament director Craig Tiley chuan 2004-a champion Henin hi Nakum 2010 atan wildcard entry an pek thu nimintlai khan a puang anih chu.

Football thunawi
**    Italy National Team captain Fabio Cannavaro (36) chu, tunhnaia khuai-in a zuk vanga inenkawl nana infiammi-te tana substance hman phalloh chi-khat cortisone awm telna damdawi a hman vanga drug test neihnaa a positive chungchanga khan Italy ram chhunga infiamna lama thuneitu sáng-ber CONI (Italian Olympic Committee) chuan ngun taka an chhui-chian hnuah thiam an chantir hlauh mai.
**    FA hnuaia Referee Union-a an hotupa Alan Leighton chuan, Manchester United manager Sir Alex Ferguson chu, hmannia Sunderland nen an inkhel \uma referee Alan Wiley-a 'a in-fit tawklo' ti-a a sawisel chungchangah khan ngaihdam dil hnuhnawh mahse FA-in hrem ngei se a duh tih a sawi.
**    AC Milan vice-president Adriano Galeti chuan Los Angeles Galaxy star-midfielder David Beckham chu Kumin 2009 kum chanve hmalama an tih ang bawkin Nakum 2010-ah pawh tun 2009-10 season tawp thleng atan loan-in an hawh leh ngei a rinawm tih a sawi-chhuak.
**    Chelsea striker Salomon Kalou (23) chuan kum 3 dang 'Stamford Bridge'-a la awm turin contract a ziahbelh leh ta.
**    Barcelona players \angkai– Xavi Hernandez (Spain) leh Rafael Marquez (Mexico) te chu weekend liamtaa an ram tana 'FIFA World Cup 2010' Qualifying match an khelhna lama an inhliam avangin tun weekend-a 'Spanish La Liga' lama Valencia nen an inkhelh hunah an tel theilo maithei.

Formula One (F1) thunawi
ººº    Ferrari driver damkawr Felipe Massa chu July thlaa 'Hungarian Grand Prix 2009' atana Qualifying neih laia na taka a chetsual hnua F1 Car a khalh leh hmasak-ber \um atan nimintlai khan Italy rama 'Fiorano' track-ah Ferrari-te 2007 Car ang kha tluang takin a khalh-chhin ta a.  Brazilian vâl Massa (28) chuan nimintlaia test drive a neihna-ah hian July thlaa a Luruh khi hial khawpa a chetsual vang khan harsatna engmah a neih phahlo tih a sawi.
ººº    F1 driver hlui David Coulthard chuan Kan India ram Sports Minister MS.Gill-a’n kan hnung deuha F1 hi sport ni lovin entertainment chi-khat a ni anga a sawi kha a diklo hle a ni tih a sawi a.  Scottish vâl Coulthard (31) chuan Mumbai khawpuia thuthar thehdarhtu \henkhatin an kawmna-ah "In Sports Minister hian F1 hi a hrechiang tak tak lo a ni. F1 hi sport dik tak a ni a; a hi-tech deuh mai zawk a ni" a ti hmiah mai.

Nizan leh nizanhmasa te khan khawvel hmun hrang hrangah 'FIFA World Cup 2010' atana Qualifying matches engemawzat a awm leh a.  Heng atang hian Italy, Germany, Denmark, Serbia, USA, Mexico, Chile leh Ivory Coast te an qualified belh leh ta.
    Tihian, 'FIFA World Cup 2010'-a tel tur ram 32-te zingah 19 a hriat theih tawh a.  Chungte chu– a thlengtu tur South Africa bakah Africa khawmualpui [1+5] Ghana, Ivory Coast;  Asia [4+1] atangin Japan, South Korea, North Korea, Australia;  Europe [13] atangin champion dinglai Italy, Germany, England, Spain, Netherlands, Denmark, Serbia;  South America [4+1] atangin Brazil, Paraguay, Chile;  North & Central America [3+1] atangin USA leh Mexico te an ni.
    Inkhel ngaihven hlawhah Argentina chuan an mikhual Peru chu 2-1 a lo hneh hramin; South America Zone-a round 1 la awmah 4-naah an invawrhchho leh ta a.  Portugal pawhin an mikhual Hungary chu 3-0 a lo hnehin; Playoff khelhna chance neih chance nei turin European Zone-a round 1 la awmah Group 1-ah 2-naah an invawrhchho leh ta bawk.

Football thunawi dangte
**    Real Madrid attacking player tha leh manto Cristiano Ronaldo chu nizan-hmasa 'FIFA World Cup' Qualifying-a an ram [Portugal] leh Hungary te inkhelh \uma a kerek a tihnat avangin thla 1 vel zet a chawlh a ngai dawn.
**    Arsenal hotute chuan an manager Arsene Wenger chu tun season hian trophy engemawtal a lakpui ve tawh ngei an beisei/phut tih an hriattir.  Gunners-ho hi 'FA Cup 2005' hnu khan engahmah an la champion leh tawh rih lo.

Tennis thunawi
***    'China Open 2009' zawh-fel takah Mipa Singles lamah Novak Djokovic chuan Final-a a bitum Marian Cilic chu 6-2 7-6 a hnehin a champion a.  Tihian, Djokovic hi ATP Ranking-ah Andy Murray lehplein; No.3 a ni-chho leh ta.
***    'China Open 2009'-ah vek hian Hmeichhe Singles lamah Svetlana Kuznetsova chuan Final-a a khingpui Agnieszka Radwanska chu 6-2 6-4 a hnehin a champion.
***    'Japan Open 2009'-a karhmasa lama Hmeichhe Singles lama Maria Sharapova a champion hnuin nimin-tlai khan Mipa Singles lamah Jo-Wilfried Tsonga chuan Final-a a bitum Mikhail Youzhny chu 6-3 6-3 a hnehin a champion bawk.

MotorSport thunawi
ººº    IndyCar lamah Kumin 2009 Season chu nimin-zan khan zawh-fel ni leh ta-in; hetah hian Scottish vâl Dario Franchitti (36) a champion.  Hollywood actress lar Ashley Judd-i pasal Franchitti tan tun \um hi kum 3 chhunga IndyCar title a lak vawi 2-na niin; Nikumhmasa 2007 Season khan a lo champion tawh bawk a.  Nikum 2008 khan Nascar lama telin, chu lama a hlawhtlin vakloh hnua Kumin 2009-a IndyCar lamah rawn letleh kumah hian a champion leh nghal tihna anih chu.
ººº    Formula One lamah Ferrari Team chuan an driver inhliam mek Felipe Massa chu amahin tum viau mahse Kumin 2009 Season hi chuan a intlansiak ve tawh dawn rihlo tih nimintlai khan an puang chiang.  Engpawhnise, Brazilian vâl Massa (28) hi kan hnung deuha 'Hungarrian Grand Prix 2009' atana Qualifying neih laia na taka a chetsual hnua F1 Car a khalh leh hmasak-ber \um atan Ferrari-te 2007 Car ang kha vawiintlai hian Italy rama 'Fiorano' track-ah a khalh-chhin dawn e.

Eastland chuan captain a nei thar a, kumin nipuia Arsenal atanga an lakluh Kolo Toure chu an captain nghet atan an thlang fel ta. Captain banhren hreng tur post a ruak a, nipui bazar hun tawp dawnah khan an captain Richard Dunne chuan pound maktaduai 6-in Aston Villa a zawm a ni.

City captain tur hi an inrinsiak zui luih luih a, Vincent Kompany, Gareth Barry leh an youth academy atang an hrualchhuah Stephen Ireland te hming a langsar hle a, mahse a tawpah manager vote atangin Toure chu thlan a ni ta a ni.

Boss Mark Hughes chuan, " He team-in a mamawh captain nih theihna tur Toure hian a nei berin ka hria. Mualchhung leh dressing room-ahte a thu leh hla hian ngaihven a hlawh a, game thunun thei tura thuneihna nei thei leh mi hneh thei a ni. Chuvangin he club pawh hian team hmasawnna turin a duh a ni" a ti.

Kum 28-a upa Kolo Toure hian July thla tawp khan Arsenal atangin Man.City hi pound maktaduai 16-in a zawm a, a hma hian Arsenal-a a khelhpui Adebayor chuan pound maktaduai 25 zetin City hi a zawm tawh bawk a ni.

Ningani September 10, 2009:   Tunlai chu players inlei chungchangah Fifa a inrawlh a, dik lo deuha chete melhin hrem ngai hrem tumin a inkau pun pun mek.

Chelsea hremna a tichhuak tawh a, United-in French club Le Havre rawlthar Pogba an lakluh dante chuan sawi a hlawh zui hle a United chetdan pawh enthlak mek a ni. Man.City an lo lang ve leh a, Rennes atanga kum 17-a upa defender Jeremy Helan an lakluh danah felhlel a awm em tih Fifa chuan an chhui dawn.

Kumin February thla khan City hian Rennes atangin he nau hi an lei fel tawh a, mahse City-in an chhuhsak danah Rennes an lawm lova, dan pawn deuhin City hi an cheah an puh. He puhna hi Fifa-ah an thlen tawh a, Faifa pawhin dan leh dunte ennawnin City chetdan hi an endik dawn thu leh chhui dawn thu an puang tawh bawk.