England National Team coach Fabio Capello chuan nimintlai khan Chelsea star-defender leh an captain ni nghal bawk John Terry chu England National Team captain a nihna a hlihsak ta.

    Tarlan tawh angin; Terry hi nupui pawmlai nen fa phir a nei mek chungin national team leh club lamah pawha a teammate thin Wayne Bridge-a ngaihzawng hlui model Venessa Perroncel nen thuk taka inlaichinna an nei tih tunhnai khan Sapram chanchinbu lian ten an tarlan chuai chuai mai a.  Hetianga mawilo tak maia an national team captain a khawsa hi sawiselna a tam ëm avangin an coach chuan nimintlai khan ko-in, captain a nihna hi a hlihsak ta hmiah mai anih chu.
    Hemi chungchangah hian Capelo chuan “Thil tha ber tur ka ngaihtuahin Terry-a England captain a nihna hlihsak hi ka tih ngei tur a niin ka hria a ni” a ti a.  A lehlamah; Terry pawhin England captain a nihna hi hlihsak ni mahse England National Team tan a theihtawpa la impumpek zui zel a tum thu a lo sawi ve mek bawk.
    Kum 29-mi Terry hi Capello hian August 2008 khan England National Team captain atan a ruat nawn a.  Hemi hun chhunga England National Team hi matches 11-ah chaka, matches 2-ah in-draw-puiin; 'FIFA World Cup 2010' khel phak turin an qualified awlsam angreng hle a ni.

European dometic football league fixtures.
    

'English Premier League'
    Feb.6 (Inrinni) zan –
    Liverpool    vs    Everton    [6:15,  ESPN]
    Manchester United    vs    Portsmouth    [8:30,  ESPN]
    Hull City    vs    Manchester City    [8:30,  STAR-Sports]
    Tottenham Hotspur    vs    Aston Villa    [11:00,  ESPN]
    Feb.7 (Chawlhni) zan –
    Birmingham City    vs    Wolverhampton Wanderers    [8:30pm,  STAR-Sports]
    Chelsea    vs    Arsenal    [9:30pm,  ESPN]
    

'Spanish La Liga'
    Feb.6 (Inrinni) zan –
    Valencia    vs    Real Valladolid    [10:30,  TRUE-Sport.5]
    Barcelona    vs    Getafe    [12:30,  TRUE-Sport.1]
    Real Madrid    vs    Espanyol     [2:30,  TRUE-Sport.1]
    Feb.7 (Chawlhni) zan –
    Real Zaragoza    vs    Sevilla    [11:30,  TRUE-Sport.1]

***    'English Premier League' lam bikah hian; tun dinhmuna London khaw club lian ber ber– Chelsea leh Arsenal te inkhuainuai tur khi a langsar fál hle.  Tun season-a matches 14 ve ve khelh tur an la neihah The Blues-ho hi points 55 hmua 1-na ni mekin;  Gunners-ho hi points 49 hmuin 3-na an ni mek bawk a.  Hetiang hi an dinhmun a nih avangin tun tuma an inhmachhawn tur hi a tu ve ve tan pawh hian a pawimawh hle.
    Tun weekend-a 'English Premier League' fixtures hrang hrangte zingah Liverpool khaw club inhal– Liverpool FC leh Everton ten 'Merseyside Derby-match' an khel leh tur khi pui leh hle tura ngaih a ni a.  Season thara 'UEFA Champions League' khelh-phak [Top.4 nih] tum ve ve– tuna 4-na ni mek Tottenham Hotspur (42pts) leh 7-na ni mek Aston Villa (40pts) te inhmachhawn tur pawh khi hmuhnawm hle tura ngaih a ni.

Formula One (F1)  thunawi
ººº    Force India chuan,Kumin 2010 Season-a an car hman tur 'VJM03'-in F1 hotute duhthu a sam tawkloh vangin F1 atanga nawr-chhuah an ni maithei anga thuthang awm mek chu thu belhchian dawllo a ni tih an puang-zar a.  He an car thar 'VJM03' hi a that tawk zia lantir nan tunhnai khan an driver Adrian Sutil chuan hlawhtling taka test drive lo neihpui tawhin; karleha Spain rama Pre-Season Test neih leh turah pawh an tel leh dawn tih an puang tel nghal bawk.
ººº    F1 khawvela team pawh lo nei ve ngat tawh Eddie Jordan chuan,  Kumin 2010 Season neih-chhoh turah hian McLaren driver Lewis Hamilton chu F1 World Champion nih beiseiawm-ber ni-a a hriat thu a sawi-chhuak.  Nikumhmasa 2008 Season-a F1 Drivers' title latu Hamilton hi Nikum 2009 Season khan [a McLaren team-te car-in a zirloh ëm avangin?] season tir lamah che-tha hleitheilo mahse season tawp lamah erawh a rawn che-tha thei angreng hle anih kha.

Comments (0)

Subscribe to this comment's feed