Nizan leh nizanhmasa te khan 'English Premier League' (2009–10)-ah inkhelh runpui a awm leh a.   Inkhel hrang hrangte zinga langsar berah Chelsea chuan Big Four club-pui Arsenal chu home-ah 1st half-a Didier Drogba-a’n Gunners-ho vawi (matches) 10 a hmachhawn tawha a goal 11-na leh 12-na te hmanga si 2 faia lo hnehin; The Blues-ho hian league table-ah points 2-in hma an hruai leh ta.
        Champion dinglai Manchester United chuan an mikhual Portsmouth chu Wayne Rooney leh Dimitar Berbatov ten goal 1 ve ve an thun baka Pompey-hovin own-goal vawi 3 lai an neih-te hmangin si 5 faiin an lo sawp a.  'Merseyside Derby' vawi 213-naah tun tum atana khual-chhawntu lam Liverpool chuan an thenawm Everton chu Dirk Kuyt-a’n The Reds-ho tana a goal 50-na a thun hmangin si 1 faiin an lo hneh bawk a ni.
    Hmun danagh; Liverpool te nena season thara 'UEFA Champions League' khelh-phak [top 4 nih] inchuh mek– Tottenham Hotspur leh Aston Villa te chu goal awm lovin an in-draw a.  Manchester City chu an va mikhualna Hull City lakah 1–2 in an va tlawm teh khut bawk.
    Scoreslines kimchang chu hetiangin :        Table thar    P    GD    Pts
    Chelsea    2–0    Arsenal                    1.    Chelsea    25    40    58
    Man Utd    5–0    Portsmouth            2.    Man Utd    25    41    56
    Liverpool    1–0    Everton                 3.    Arsenal    25    30    49
    Tottenham    0–0    Aston Villa          4.    Liverpool    25    17    44
    Hull City    2–1    Man City                 5.    Tottenham    25    20    43
    Birmingham    2–1    Wolverhampton    6.    Man City    23    13    41
    Bolton    0–0    Fulham                    7.    Aston Villa    24    13    41
    Sunderland    1–1    Wigan               8.    Birmingham    24    0    37
    Stoke    3–0    Blackburn                  9.    Everton    24    -2    32
    Burnley    2–1    West Ham              10.    Fulham    25    -1    31

'Euro 2012' Qualifying Draw
    Europe khawmualpuia awm ram hrang hrangte zinga football khel thiam-ber zawnna tur 'European Championship' chu 2012 khian neih a ni leh dawn a.  Poland leh Ukraine ram tena an inthlen-tawm tur 'Euro 2012' atana Qualifying Draw chu nizan khan Warsaw khawpui (Poland)-ah neih a ni.
    A thlengtu tur– Poland leh Ukraine ram te chu Qualifying khelh hah ve ngai lovin an tling sa a.  Champion dinglai Spain pawh tiamin ram dang 51-te chu hetiang hian group hrang hrang 9-ah dah darh an ni :-
    Gr. A    :    Germany,  Turkey,  Austria,  Belgium,  Kazakhstan,  Azerbaijan.
    Gr. B    :    Russia,  Slovakia,  Rep.of Ireland,  Macedonia,  Armenia,  Andorra.
    Gr. C    :    Italy,  Serbia,  Northern Ireland,  Slovenia,  Estonia,  Faroe Islands.
    Gr. D    :    France,  Romania,  Bosnia,  Belarus,  Albania,  Luxemburg.
    Gr. E     :    Netherlands,  Sweden,  Finland,  Hungary,  Moldova,  San Marino.
    Gr. F     :    Croatia,  Greece,  Israel,  Latvia,  Georgia,  Malta.
    Gr. G    :    England,  Switzerland,  Bulgaria,  Wales,  Montenegro.
    Gr. H    :    Portugal,  Denmark,  Norway,  Cyprus,  Iceland.
    Gr. I    :    Spain,  Czech Rep.,  Scotland,  Lithuania,  Liechtenstein.
***    Group-tina mite hi home-ah leh away-ah an inkhelh kual vek hnua group-tina points hmu tam-ber (group winners) theuh-te bakah runners-up zinga a ti-tha ber [an vaiin 10] te an qualify nghal phawt dawn a.  Runners-up dang 8-te chu double-legged thova Playoff neiin; an zinga 4-te chu an qualify ve leh bawk ang.  'Euro 2012' atana Qualifying hi September thla atang khian khelh tan a ni ang.

'Super Bowl XLIV'–ah Saints chak
    American Football-a an season hmawrbawknan NFC Champion leh AFC Champion tena an inchuh thin, leh, American-ho sporting event ngaihlut-ber ni bawk 'Super Bowl' chu a vawi 44-na atan tukin khan neih a ni leh ta a.  He 'Super Bowl XLIV'-ah hian NFC Champion New Orleans Saints chuan AFC Champion Indianapolis Colts chu points 37–17 a hnehin hnehna an chang.
    Miami khawpuia 'SunLife Stadium'-a tukin inkhel hmuhnawm tak maiah hian; rinkai zawk Colts-ho chuan bul tan tha zawkin, 1st Quarter tawpah points 10–0 laiin hman an hruai a.  2nd Quarter tawpah points 0–6, leh, 3rd Quarter tawpah pawh points 17–16 ten Colts-ho hian hma an la hruai zel.  Amaherawhchu, rinkailo zawk Saints-ho hi 4th & Last Quarter-a points 15 zet an hmuh hmangin a tawpah 31–17 hian an rawn chak nawlh a ni.
    Kum 42-a upa Saints-ho tan tun tum hi 'Super Bowl' an lak hmasak-ber tum a ni nghe nghe a.  Kum 5 lek liamta 2005-a thlipui na tak Hurricane Katrina-in a nuai hrepnaa an hmangaih te leh an in-leh-lo te an chàn vanga indawm-kun tlawk tlawk New Orleans khaw mipui-te chu an khaw team-in an rama infiamna lama an trophy ngaihhlut-ber Vince Lombardi Trophy an lak avang hian an harh sawng sawng mai niin chanchin kan lawkchhawna-te chuan an tarlang.