Europe khawmualpui huapa football clubs te inelna sáng-ber 'UEFA Champions League' (2009-10 season)-ah Manchester United (ENG), Arsenal (ENG), Bayern Munich (GER) leh Olympique Lyon (FRA) ten Quarter-Finals an lut ta a.   Hetih lai hian Real Madrid (ESP), AC Milan (ITA), FC Porto (POR) leh Fiorentina (ITA) te erawh Pre.Q/F-ah an tla thung.
    Nikumhmasa 2007-08 season tiama vawi 3 lai lo champion tawh leh season liamtaah pawha runners-up ni leh Manchester United hian tun \um Pre.Q/F (Round of 16)-ah hian 2006-07 season tiama vawi 7 zet lo champion tawh AC Milan an hmachhawn a.  Man Utd hian chawlhkar 2 liamtaa 1st Leg match an khelha 3–2 a away-a an va hneh tawh AC Milan hi nizana an Return Leg match an khelhah Wayne Rooney goal 2 thun-te hmanga 4–0 zeta lo sawpin, aggregate-ah 7–2 zeta chungnungin Q/F hi an lut a ni.
    Nizan inkhel dangah 2001-02 season tiama vawi 9 zet (record) lo champion tawh Real Madrid leh Olympique Lyon te an intumin;  nizan inkhelah hian R.Madrid leh an mikhual Lyon te hi 1–1 in an in-draw a.  Tichuan, 1st Leg-a an result nen belhbawmin 1st Leg-a 1–0 a chak Lyon chu aggregate-ah 2–1 a chungnunga Q/F lutin;  tun season \an dawna players \ha tak tak lei nana inséng nasa tak mai leh 2009-10 season 'Champions League' Final nghah-na tur khelmual 'Estadio Santiago Bernabeu' neitu ni bawk R.Madrid erawh an tla dur mai anih chu.
    Season liamtaa semi-finalist Arsenal hian tun \um Pre.Q/F-a an khingpui FC Porto chu chawlhkar 2 liamtaa 1st Leg match an khelhah 1–2 in away-ah an lo va hnehlo tawh a.  Mahse, an home-a nizanhmasaa Return Leg match an khelhah Nicklas Bendtner-a hattrick siam hmanga 5-0 zeta an lo sawp avangin aggregate-ah Arsenal hi 6–2 zeta chungnungin Q/F lut-zawkah an \ang a ni.
    2000-01 Season tiama vawi 4 zet lo champion tawh Bayern Munich hian tun \um Pre.Q/F-a an bitum Fiorentina chu chawlhkar 2 liamtaa 1st Leg match an khelhah 2–1 in home-ah an lo hneh tawh a.  Nizanhmasaa Fiorentina-te home-ah ve thunga Return Leg an khelhah 2–3 in va chaklo mahse aggregate 4–4 ah 'Away Goal Rule' hmangin away-a goal thun tam-zawk Bayern Munich hian Q/F an lut ta zawk a ni.
***    Pre.Q/F Return Leg matches khel tur la awm dang 4-te chu karleh Thawhleh (Mar.16) leh Nilai (Mar.17) zan te khian khelh an ni ang.

Zaninah 'Europa League' Pre.Q/F 1st Leg
    Europe khawmualpui huapa football clubs te inelna sáng-ber dawttu 'UEFA Europa League' lamah tun 2009-10 season atana Pre.Q/F (Round of 16) 1st Leg matches-te chu Zanin hian khelh an ni dawn a.  Fixtures \henkhat chu hetiang hi a ni e...
    Naktuk (Mar.11 Ninga) zanlai dar 1:30  –
    Juventus (ITA)    vs    Fulham (ENG)    [TEN-Sports]
    Lille (FRA)    vs    Liverpool (ENG)    [ZEE-Sports]

Infiamna thunawi dangte
***    Infiamna lama inhmang Indian-te zingah cricketer ropui Sachin Tendulkar chu huhang-ngah (influential) berah thlan a ni a.  Sports Illustrated Power list-ah hian Indian Premier League [Cricket] chairman Lalit Modi chu 2-na niin;  Formula One team Force India neitupa Vijay Mallya chu 3-na a ni bawk.
***    Indian cricket legend Kapil Dev chu khan 'ICC Hall of Fame'-ah lakluh a ni.  All-rounder \ha Kapil Dev hi 'ICC World Cup'-a India team an champion awm-chhun 1983 edition-a khel \ha chungchuang tak mai kha a ni.
ººº    Formula One (F1) lama Grand Prix Drivers' Association president ni mek Mark Webber chuan, kum 3 zet F1 a chawlhsan hnua Kumin 2010 Season atanga rawn comeback tur Michael Schumacher chu infiammi ropui tak tak dangte ang bawka a comeback-naa a hlawhchham a rin thu a sawi-chhuak tawl mai a.  Red Bull driver Webber chuan, F1 driver awm tawh azawnga hlawhtling-ber Schumi tan Kumin 2010 Season chu "Season harsa leh hautak zet mai a ni dawn" a ti hmiah mai!