|
NE Games-ah Infiammi 1200 tel tura beisei |
 |
 |
 |
|
Written by Administrator
|
|
Wednesday, 22 February 2012 16:14 |
|
22 Feb: Mizoram-in ni 20-23 March, 2012 chhunga North East Games vawi 26-na a thlen tur buaipuitu Organising Committee chu Working Chairman Minister Pu Zodintluanga hovin ama Office Chamber ah vawiin chawhma dar 11 khan an thukhawm a, hlawhtling taka hmarchhak states huap infiamna runpui thlen nana mawhphurtu hrang hrang Sub Committee te hmalak dante an thlirho.
Infiammi te thlenna tura ruahman Falkawn Referral Hospital leh Ramhlun Sports Complex buatsaih mek a nih dan te, an vah velna tur transport leh motor tlan dan tur traffic ruahmanna chungchangte, reception, medical, security leh publicity chungchangte leh infiamna hmunhma buatsaih mek dan te an sawiho a, siamrem ngai te an rel ho bawk. North East Games neih tur chungchang hi website siam fel a ni tawh a, a duh apiang tan www.northeastgames2012.com ah thlir theih a ni. Infiamna chi hrang hrang (discipline) 11 te hi hmun hrang hrang - Rajiv Gandhi Stadium, A.R.Ground, Ramhlun Sports Complex, Pitarte Tlang Indoor Stadium, Republic Playground, Govt. High School Indoor Stadium, Kulikawn Indoor Stadium, Electric Veng Indoor Stadium, 3rd Bn. MAP Playground, Mualpui leh Zarkawt Recreation Centre ah te neih tum a ni a, Games hawnna hi ni 20 Feb. 2012 ah Rajiv Gandhi Stadium ah neih tura rel a ni. North East Games vawi 26-na hmang tur hian hmarchhak states hrang hrang atangin infiammi 1,200 vel tel tura beisei an ni. |
|
|
KTP-ah member 1,28, 267 an awm mek |
|
|
|
|
Written by Administrator
|
|
Tuesday, 21 February 2012 16:49 |
|
Mizoram Presbyterian Koh-hran hnuaia Kristian Thalai Pawl (KTP) hian naktuk February ni 22, 2012 (Nilaini) hian kum 58 a tling dawn a. KTP Day pual hian kawng hrang hrangin rawng-bawlna hun hman a ni a. Branch leh Bial KTP-te’n hnatlang, thisen pek, mi harsate tanpui leh hemi puala programme te siamin Mizoram chhung leh pawn hmun hrang hrangah hun hmang tawhin hman mek zel a ni.
Central KTP pawhin Synod Hospital-a HOSPICE-RCCC (Grace Home) tanpui nan Bial leh Branch hrang hrangin an thawhlawm tling khawm Rs. 2,26,499 /- chu February ni 22 chhun dar 1 hian a hmunah hruaitute kalin an hlan dawn a ni.
Central KTP hnuaiah hian kum 2012-ah bial 169 leh Branch 782 awmin member mipa 80800 leh hmeichhia 47467, an vaiin 1,28, 267 an awm mek a, Bial leh Brach te missionary chawm zat belh-khawm 1321 a ni a, missionary pakhat chawmna Rs. 1000/- a ni.
|
|
Sawrkar thuneihna sem zai chungchang sawiho |
|
|
|
|
Written by Administrator
|
|
Thursday, 16 February 2012 17:44 |
|
16 Feb: Vawiin khan Chief Secretary Pu Vanhela Pachuau, IAS hovin Minister of Panchayati Raj Additional Secretary Dr. Hrusikesh Panda, IAS Govt. of India atanga lo kal te nen sorkar thuneihna sem zai chungchang Chief Secretary's Conference Room ah an sawi ho.
He meeting ah hian Lai, Mara leh Chakma District Council atangin an Chief Executive Member leh Chairman theuh te bakah member engemaw zat tawiawmin an tel a. Mizoram sorkar Departmenth hotu lu engemaw zat an tel bawk.
An meeting ah hian Village Council te thuneihna chungchangte, rorelna khawla hmeichhiate tan a seat hauh sak a tul thu te pawh an sawi a. District Council-a hmeichhiate tan a seat reservation an siam sak mek ang a State sorkar-ah pawh hmeichhiate tan seat siam sak ve a tul thu te an sawi chhuak bawk. Hei bakah hian NREGS hnathawh dan kalphung leh hmalak tawh a hriatthiam loh lai te an in hrilhfiah a ni.
Chief Secretary hi Pu P. Chakraborty , MJS, Principal Legal Adviser & Principal Secretary leh Pu Biaktluanga, Secretary LAD ten an tawiawm a. District Council LADC atangin Pu C. Ngunlianchunga CEM, Pu F. Rohnuna, Chairman ; MADC atangin Pu V. Vanhupa, EM leh Pu F.C. Zase, Chairman CADC atangin Pu Kalikumar Tong, CEM leh Pu Sushil Kumar, Chairman te bakah an hotu lawk ten an tawiawm bawk. Special Invitee Dr. Lalneihzova, MZU pawh a tel bawk. |
|
Saiha kang tanpuina lut Rs. Nuai 40 chuang |
|
|
|
|
Written by Administrator
|
|
Tuesday, 14 February 2012 16:57 |
|
Saiha kangmei tuarte tanpuina atana YMA-in Vehbur a khawnah pawisa fai mai bakah blanket leh thawmhnaw thahnem tak a lut a. Pawisa fai luh dan tlangpui chu hetiang hi a ni:- Aizawl leh a chhehvel atangin Rs.33,93,384/- alut a, YMA Sub-Hqrs., Lunglei- Rs. 4,29,197/-, YMA Sub-Hqrs. Champhai Rs. 2,14,000/- leh YMA Sub-Hqrs. Kolasib atangin Rs. 1,88,045/- lutin a vaiin Rs. Rs. 42,24,626/- a ni.
Heng tanpuina lo lut zawng zawng hi vawiin 14 Feb. hian Pu R.Lalngheta, Treasurer, Pu Lal-hmangaiha CEC leh Pu Vanlal-zuiliana CEC te leh YMA Sub. Hqrs., Lunglei Hruaitu thnekhatte'n Saiha an panpui ta ni a thudawn a ni.
|
|
VC/LC Inthlan hmain NLUP sem thulh rih dawn |
|
|
|
|
Written by Administrator
|
|
Monday, 13 February 2012 17:33 |
|
13 Feb: Vawiin chhun dar 12:00 khan PIB Conference Hall-ah State Election Commission (SEC) hotute leh NLUP Line Department hotute an thu khawm a, VC/LC General Election zawh hma chuan NLUP sum sem rih tawh loh nise, tih an rel.
Pu C. Ropianga, Chief Election Commissioner chuan, kum 2009 atangin SEC chu din niin, election an buaipui tan thu sawiin, bul tantir an nih avangin mipui, Political party leh Media lam mite pawhin Election Model Code of Conduct hi an hre chiang hrih lo hle a, NLUP angah te a kal pui theih leh theih loh dan an han puan te pawh dan thar nilo, dan awmsa, he project bik atan an hrilhfiahna mai a ni a, mahse an hriatthiam tlat loh chuan, sum sem tur kalpui tawh sa pawh, sem tawh loh ni mai se tiin, Line department hotute chu a hrilh a ni.
Election dan ah chuan tih tur leh tih loh tur a awm Election Model Code of Conduct bakah, State sorkarin a khap te leh Supreme Court in a khap te thlengin bawh chhiat phal a nilova, Election felfai tak nei turin, tu mah tan bik neilova, State Election Commission chuan hma a lak zel tur thu sawiin, ‘Dan leh hrai awm ang te hi kan hre chianga, State danga an tih dante hi kan chiang a ni tih Pu Ropianga chuan a sawi bawk.
NLUP Line Department hotute chu an Department in NLUP sum sem chhunzawm lo turin District hrang hranga an naute hrilh nghal tura ngenin, Pu Ropianga chuan “Inthlanna felfai nei turin tangtlang ang u” a ti a ni. |
|
PRISM-in Anti Corruption Bureau-ah FIR an thehlut |
|
|
|
|
Written by Administrator
|
|
Saturday, 11 February 2012 17:15 |
|
PRISM-in khawthlang lam Mamit District-a hmasawnna hnathawh hrang hrang an endik hnuah chhui chian ngai tam tak a awm ni a sawiin, nimin khan PMGSY leh DRDA hnuaia hnathawh chhuichiang turin Anti Corruption Bureau-ah FIR an thehlut.
PRISM sawi danin, PMGSY hmangin PWD chuan Kum 2007 leh 2008 inkarah Cheng nuai 54 sing 1 leh sang 3 sengin West Phaileng leh Damparengpui inkar kawng km 1.88 -a thui an siam nia tarlan a nih laiin, he hnathawh hi a sum sen nen a inphu loh hle avangin chhui chian ni se an ti a.
Hetihlai hian, Mamit DRDA leh West Phaileng BDO office atanga sanction nia sawi, Tuipuibari I-a hnathawh tur chi 8, Cheng Nuai 25 & 2325 hu chu a hnathawh an hmu zo lo tih sawiin, BNRGSK building pawh sak dan tura ruahman aia têin an sa tih an sawi a, hemi chungchang chhui-chiang tur hian ACB-ah FIR an thehlut bawk a ni. [regional news unit; air]
|
|
|
