Aizawl; 28 June, 2011: Central YMA chuan kumin atana YMA kumpuan, 'Khawtlangnun siamthat' tih bawhzui nan nizan atang khan Chawnpuia Krista Hnungzuitute |awngtai Bethel Camping Centre-ah Chanchintha Camping a buatsaih a. He chanchin buatsaih lai hian mi 498  lutin, an zinga 106 chu hmeichhia an ni a, a bak 392 te chu mipa an ni. An zingah hian hmeichhia leh mipa kum 12/13 bawr vel mi engemaw zat an tel a, a upa deuhte chu kum 60 vel mite pawh an awm a ni.

Camping hi chhawng 3 a neih chhoh tan a nia, chung zingah chuan ruihhlo ngaite pual leh hmeichhe rahbitleu-te pual pawh a tel a ni. He Camping hian July ni 10 thleng a awh dawn a, Speaker atan Pu Lalsanglura Ralte, Son of God Ministry Speaker rawih a ni.

He Camping neihna, Chawnpuia Krista Hnungzuitute |awngtai Bethel Camping Centre, ah hian Camping a lut duhte tan awmna hmun tur siam belh a nia, tun dinhmuhah tawt thawkhat mahse, lut duhte an la lak belh theia, mahse Course nei vek an nih avangin lut tlaite chuan a Course an zawh a ngai dawn a ni.

Central YMA chuan Camp a lut ten Pathian Chhanchhuahna changa nun thar an neih theih nan tawngtaipui turin mimal, chhungkua leh Kohhran hrang hrangte Central YMA chuan a ngena, mi thahnemngai leh inphal, tanpuina pe duh tan Tuikhuahtlanga Central YMA Office-ah pek theih reng a ni tih a sawi tel bawk a ni.