7 Feb: Lok Sabha MP Pu CL Ruala’n sorkar hnathawk ten MGNREGA
hnuaia inhlawhna beisei ve tawh lo se a ti.

He thu hi vawiin Lunglei Circuit House Conference Hall a District
Vigilance & Monitoring Commitee meeting-ah sawiin, Pu C.L Ruala
chuan MGNREGA hnuaia hnathawh kalhmang a ngaihmawh thu a sawi
a, he scheme in a tum ber chu hna thawh tur neilo te tan hlawh neia
hna thawh tir anih rualin vantlang tana rotling siamna hmanrua a hman
thiam tum tur a ni a ti.

He meeting co chairman Rajya Sabha MP Pu Lalhmingliana
pawhin thusawiin, ni 100 inhlawhna hmanga Mizoram chhunga kawng
laih chu a thui tawk tawh a, mimal ram leh huan rotlinga siam nan her
rem tan a ngai tawh tih a sawi.

Committee ah hian IAY tanpuina dawngtute zingah chenna In sa
leh silo te hremna dan awm lo mahse, dan bawhchhetute chu sawrkar
dan dinglai hmanga hrem theih an nih thu tarlan a ni a, an dist
chhunga Job Card lem leh Ration Card lem an dap chhuah te tih chhiat
nghal vek turin an rel a ni.

DRDA report a tarlan dan chuan Lunglei Dsitrict ah Job Card nei
mi 3 & 2965 a awm mek a, ni 100 inhlawhna siam turah ni 70 kalpui
mek anih thu leh sawrkar kum tawp hmain ni 100 thawh tir hman tum
a ni.

Meeting-ah hian AH & Vety Minister Pu Nihar Kanti Chakma,,
Parliamentary Secretary Pu S.Laldingliana, Lunglei HPC Vice Chairman
Pu Joseph Lalhimpuia leh Dr.R.Lalthangliana, MLA te an tel a ni.