Azl; 27 June: Ethics Committee chuan nimin khan sorkar Officer lian te ko khawmin Corruption do an duh thu leh an tum dan an hrilh. He meetinga thusawitu, Chief Minister Pu Lal Thanhawla chuan kawng engkima lehse ngam nih an tum thu sawiin, hetiang bawk hian sorkar hnathawk te ber atanga a lian ber thlengin in lepse ngam ve se a duh thu a sawi a. Sorkar hnathawkte chu sorkar neitu nghet, an pension hma zawng sorkar tana thawk leh neitu tak tak an ni tih sawiin rinawm taka hna thawk tura beisei an ni a ti bawk. 

Chief Secretary Pu Vanhela Pachuau pawhin thu sawiin tunlai khawvela rorelna tha ber democracy hnuaiah sorkar hnathawk officer llian,Bureaucrats-te mawhphurhna a sanzia leh tam zia a tarlanga, engkim belhchian dawl leh lang tlang theia siam a pawimawh a ni a tia, Sorkar in Mipuite rawng an bawl theihna tura thuneihna a pek hmangsual lo tura fuihin thuneihna hmansual chu corruption siamtu lian ber a nih thu a sawi bawk.

Ethics Committee meeting hi an Chairman hlui, tuna Member ni ta, Pu H.Raltawna’n a kaihhruai a, he tah hian Sorkar Officer lian, Joint Secretary, DC te leh Secretary/Commissioner-te an tel a ni. He tah hian Ethics Committee Chairman thar, Rev. C. Rosiama chuan thu sawiin sawrkar tha, langtlang, thianghlim leh mipuite tana dik taka hna thawk neih a tul thute, corruption leh nungchang mawi lo laka ram hruaitute leh sawrkar hnathawkte an fihlim a tul thute, sawiin sorkar kalphung diklo leh sawisel ngai laite an thlithlai reng dawn tih a tarlang a ni.