March 1 - 4, 2012-a Thenzawla KTP General Conference lo awm turah Aizawl khawpui chhunga Bial leh Branch-te Motor (a bikin City Bus) hman chungchangah Aizawl City Bus Owners Association (ACBOA) hruaitute leh Central KTP hruaitute tunhnai khan an inkawm a. An rate hman laiah chuan Aizawl to Thenzawl (Sialsuk lam)a kalin Rs. 8,500/- a ni a, halting charge nitin Rs. 2,500/- a ni. Halting charge ni thum  lakin Bus hman man zawng zawng Rs. 16,000/- a ni a, Pathianni lak leh lak loh chu a hmangtu leh neitute inbiakremna (zalenna) a ni e.  A hmunah Bus hman a nih chuan ni tin Rs. 3,000/- a ni a, KM 15 a tlan pelh chuan KM  rate-a chhut thin a ni.
 He hunah hian mi dang biak rem tawhsa a aia sanga inluahlan chu thil mawilo leh KTP tiha nalh lo tak a ni tih sawi chhuah niin chu chu tih loh tawp tur a ni, an ti. Chutiang a awm loh nan leh Bus neitu lam pawh an fimkhur theih nan Bus hman tur Number leh hmangtu turte ACBOA Office-ah inhriattir vek turin CKTP chuan a ngen a. Inluahlan an awm chuan  ACBOA lam pawhin action lak ngei an tum a,  Motor hman tur number report ngei nise an ti bawk.