FA (English Football Association) hnuaia professional football league hrang hrang 4-a tel ten division thliarna awm lova knockout system-a an khelh \hin 'English League Cup' / 'Carling Cup' lama tun 2011-12 season-a Final lut tur chinfelna kawnga rahbi hnuhnung-ber, Semi Final-ah pawha a Return Leg zawkte chu zanin leh naktukzan te hian khelh an ni dawn a.  Fixture kimchang chu hetiang hi a ni e:
 Zanin  (Jan 24, Thawhleh)  zanlai  –
 Cardiff City [0]vs[1] Crystal Palace  [1:15,  TEN-Action]
 Naktuk  (Jan 25, Nilai)  zanlai  –
 Liverpool [1]vs[0] Manchester City  [1:15,  TEN-Action]

FA-in Balotelli thubuai siamsak
 FA chuan Manchester City striker Mario Balotelli chu khelmual chhunga a chêt dan mawilo tak mai avangin thubuai an siamsak.
  Italian mihang rawlthar Balotelli hi Chawlhni-zan 'English Premier League' match-ah khan ball an inchuhna lama a tlu tur chuan Tottenham Hotspur midfielder Scott Parker-a lo tlu-saa tawh chu a lû-ah a zu rap-lui (?) a.  Hemi \um hian referee Howard Webb chuan Balotelli hi hrem nghal lemlo mahse, a hnua video replay an en a\angin FA chuan a chêt dan hi 'violent conduct' tiin thubuai an siamsak a ni.
 Kum 21-mi Balotelli hi tun season-ah a hmain vawikhat red card a lo hmuh tawh avangin tunah hian match 4 lai mai inkhel thei tura suspend hmabakin a awm mek tihna a ni a.  A appeal-a a hlawhtlinglo a nih phei chuan hei aia rei/tam hi hrem a ni ang.