'English League Cup' / 'Carling Cup'-ah Cardiff City chuan a club history-a a hmasa-ber \um atan Final an lut.
    Cardiff City hian Semi Final-a an khingpui Crystal Palace chu 1st Leg-a 0–1 a an hnehloh hnua nizan Return Leg-a 1–0 thova an lo hneh avangin an aggregate score chu 1–1 a ni a.  Chutah, goal dang luh-belh tawh lova Extratime an neih hnuah Tiebreak Penalty Shootout nei zui lehin;  hetah hian an goalkeeper Tom Heaton-a’n vawi 2 lai a save hmangin Bluebirds-ho hian Eagles-ho hi 4–2 a hnehin Final hi an lut a ni.

**    Zanin (Jan 25, Nilai) zanlai dar 1:15 a\angin Liverpool leh Manchester City ten S/F Return Leg hnuhnung-zawk an khel ve leh dawn a.  Hei hi TEN-Action chuan an rawn LIVE leh dawn e.
    Chawlhkar 2 liamtaa 1st Leg an khelh \um khan Man City-te home-ah Liverpool hi penalty-spot a\anga Steven Gerrard-a pet-goal hmangin 1–0 in an va chak a.  Zanina Return Leg an neih hunah The Reds-ho hian an 1st Leg-a hma an hruaina duhawm tak mai hi an humhim tlang dawn nge, Citizens-ho hian inlehthalna ropui an thlen-tir dawn...?   En ang....

Jeje-a a inhliam; kar 8 chawl dawn?
    India National Team striker Jeje Lalpekhlua chu a inhliam avangin chawlhkar 8 vel zet chawl tura thurawn pek niin, Nepal-a 'AFC Challenge Cup 2012' khelh turah pawh a tel theih dawn leh dawn loh a chiang thei ta rih lo.
    Hnahthial Model Veng tlangval Jeje-a hian Pune FC tana tunhnaia 'I-League' match a khelhnaah a khup veilam a ti-ná a.  Tunah hian Dr. Anant Joshi chuan a enkawl mek a ni.
   India hian 9th March 2012 khian 'AFC Challenge Cup 2012'-ah hian Tajikistan National Team khelin bul an \an ang.

'Australian Open 2012' thuthar
    Mipa Singles lamah vawiin chawhma lam khan seeded no.4 Andy Murray chuan seeded no.24 Kei Nishikori chu Quarter Final-ah 6-3 6-3 6-1 a hnehin Semi-Final a lut chhova.  Nimin lam khan seeded no.2 Rafael Nadal leh seeded no.3 Roger Federer te pawhin Q/F-a a khingpui-te hneh ve ve-in S/F lut tawh,  S/F-ah hian an inhmachhawn dawn nghe nghe.  Hetih lai hian; champion dinglai, tun \uma seeded no.1 leh tuna world no.1 ni mek bawk Novak Djokovic chuan vawiin chawhnu/tlai hian Q/F-ah seeded no.5 David Ferrer a hmachhawn ang.
    Hmeichhe Singles lamah chuan Semi Final line-up hriat theih tawhin;  champion dinglai, tun \uma seeded no.11 Kim Clijsters leh seeded no.3 Victoria Azarenka,  seeded no.4 Maria Sharapova leh seeded no.2 Petra Kvitova te an intum dawn a.  Quarter Final match pakhata Clijsters-i’n seeded no.1 Caroline Wozniacki a hneh avangin Wozniacki hian world no.1 a nihna hloh dawnin,  tun \um 'Australian Open 2012' zawh hian world no.1 thar an awm dawn nghe nghe a ni.  Tun \um 'Australian Open 2012'-a Kvitova, Azarenka leh Sharapova te zinga tu emaw ber an champion chuan chu mi chu world no.1 thar ni dawnin,  Kvitova hi Clijsters nena Final an luh-dun hrim hrim chuan world no.1 thar a ni dawn bawk.