'English League Cup' / 'Carling Cup' lamah Liverpool chuan Final an lut ve leh ta.
 The Reds-ho hian Semi Final-a an khingpui Manchester City chu 1st Leg-a away-a 1–0 a an va hneh hnuin nizan home-ah Return Leg an lo neihpui a.  Anfield-a he inkhel hmuhnawm tak maiah hian mikhual lam Citizens-ho hian vawi 2 lai hma hruai mahse khelmual neitu lam The Reds-ho hian an sût lêt ve ve avangin 2–2 a in-draw-in;  aggregate-ah The Reds-ho hi 3–2 a chungnungin kum 16 chhunga a hmasa-ber atan 'Wembley Stadium'-a Final match khel turin an inpêt-tling a ni.
 Tihian, tun 2011-12 season 'English League Cup' Final-ah chuan Cardiff City leh Liverpool te hi an intum dawn tihna a ni ta a.  He Final match hi Feb 26 khian 'Wembley Stadium' (London, England)-ah khelh a ni ang.

Barcelona-in Real Madrid hnehin S/F lut
 'Spanish Kings Cup' / 'Copa del Rey' lamah Barcelona chuan Real Madrid hnehin Semi-Final an lut ta.
 Barcelona hian 2010-11 season liamtaa Final-a an hnehloh Real Madrid hi tun 2011-12 season-ah chuan Quarter Final-ah an hmachhawn a.  1st Leg-a away-a 2–1 a an va hneh hnuah nizan khan an home-a Return Leg an neihah 2–2 a lo in-draw-puiin, aggregate-ah 4–3 a chungnungin S/F hi an lut ta zawk a ni.

Mizoram-in Jharkhand hneh
 'AIFF Under-19 National Football Championship 2012' neih meka chetha zual state/team 4 chiah an tel tawhna Final Round chu nimin khan \an a ni ta a.  Hetah hian Mizoram U-19 Team chuan an khingpui Jharkhand U-19 Team chu 1–0 in an hneh a ni. Inkhel dangah a thlengtu West Bengal U-19 Team chuan an bitum Karnataka U-19 Team chu 5–1 zetin an sawp bawk.
 Final Round lut team 4-te hi an inkhel kual vek ang a.  Final hranpa awm tawh lovin league anga anga an inkhel kual hnua point hmu tam ber chu champion an ni nghal tawp mai dawn a ni.
 Nakuk (Jan 27, Zirtawpni)-ah Mizoram leh West Bengal, Karnataka leh Jharkhand te an intum ang a.  Jan 29 (Chawlhni) khian Mizoram leh Karnataka, Jharkhand leh West Bengal te an intum bawk ang.

Final-ah Azarenka v Sharapova
 'Australian Open 2012' neih meka Hmeichhe Singles lamah chuan Final-ah seeded no.3 Victoria Azarenka (BLR) leh seeded no.4 Maria Sharapova (RUS) te an intum dawn ta a.  Hmeichhe Singles Final hi naktip (Jan 28, Inrinni)-ah khelh a ni ang.
 Tukina Semi Final hmasa-zawk khelhah Azarenka (BLR) chuan nikuma champion, tun \uma seeded no.11 Kim Clijsters chu 6-4 1-6 6-3 in a hneh a.  Vawiin chhuna S/F hnuhnung zawk khelhah Sharapova hian seeded no.2 Petra Kvitova chu 6-2 3-6 6-4 in a hneh bawk a ni.
 Mipa Singles lama champion dinglai, tun \uma seeded no.1 leh tuna world no.1 ni mek bawk Novak Djokovic chuan seeded no.5 David Ferrer chu nizan khan Quarter Final-ah 6-4 7-6 6-1 a hnehin Semi-Final a lut-chho leh ta a.  S/F-ah Djokovic hian seeded no.4 Andy Murray chu naktuk (Jan 27, Zirtawpni)-ah a hmachhawn ang.  He thu kan buatsaih lai hian seeded no.2 Rafael Nadal leh seeded no.3 Roger Federer ten Mipa Singles S/F hmasa zawk an khel \an chho vel mek.
 Mixed Doubles lamah Kan Indian pair– Mahesh Bhupathi leh Sania Mirza te \angdun chuan Semi-Final an lut tawh a.  Tun \uma seeded no.6 Bhupathi leh Mirza te hian Quarter Final-a an khingpui Colin Fleming (GBR) leh Liezel Huber (USA) te \angdun chu 7-6 6-2 in an hneh a ni.

R-Day Hockey, Tennis leh TT result
 'Republic Day 2012' lawmna chikhat atana Lunglei khawpuia infiamna lama inelna neih hrang hrangte zingah Hockey, Tennis leh Table Tennis te-a result kan hriat theih te –
** Hockey-a vawiin chhuna Final khelhah Hauruang chuan an khingpui Lunglawn chu 1–0 a hnehin an champion.
** Tennis-ah hian vawiin chhuna Singles Final khelhah Lawmsanga (Bazarveng) chuan Sangtea (Venglai) chu 6-0 6-2 a hnehin a champion a.  Tukina DoublesFinal khelhah Sangtea (Venglai) leh Laltea (Venglai) te \angdun chuan Duduha (Bazarveng) leh Awmtea (Venglai) te \angdun chu 6-1 6-3 a hnehin an champion bawk a ni.
** Table Tennis-ah hian nimina Final an khelh hnua category hrang hrang 10-a champion leh runner-up te chu hengte hi an ni :
 Cadet Girl B.Lalenpuii (Salem) Lalnunsangi (SSA)
 Cadet Boy Jeho Hlimnakulhpuingheta (Salem) F.Malsawmtluanga (SSA)
 Sub-Junior Girl Lalnunmawii (Bazar) C.Lalrempuii (Zotlang)
 Sub-Junior Boy Ramopuia (Zotlang) K.Laltanpuia (Salem)
 Junior Girl Vida K.Lalremruati (Zotlang) J.Vanlalruatkimi (Zotlang)
 Junior Boy Ramropuia (Zotlang) R.Lallawmzuala (Zotlang)
 Youth Boy C.Lalkohbika (Bazar) Vanlalmuanpuia (Zotlang)
 Men Singles Lalzarzova (Bazar) Vanlalmuanpuia (Zotlang)
 Junior Veteran (35&+) Benjamina (Serkawn) Pauthanzama (MAP)
 Senior Veteran (45&+) H.Kapthanga (DISC) C.Lalsangzuala (Zotlang)
 TT-ah hian Zotlang chu Overall Champion niin, Bazarveng chu runners-up an ni.