'Australian Open 2012' neih meka nimintlaia Mipa Singles hmasa-zawk khelhah seeded no.2 Rafael Nadal chuan seeded no.3 Roger Federer chu Semi Final-ah 6-7 6-2 7-6 6-4 a hnehin Final a lut tawh a.  He thu kan buatsaih lai hian champion dinglai, tun \uma seeded no.1 leh tuna world no.1 ni mek bawk Novak Djokovic leh seeded no.4 Andy Murray ten S/F hnuhnung-zawk an khel \an chho vel mek bawk.
 Hmeichhe Singles lamah chuan naktuk (Jan 28, Inrinni) chawhnu dar 1:30 vel a\angin Final khelh ni dawnin;  hetah hian seeded no.3 Victoria Azarenka leh seeded no.4 Maria Sharapova te an intum dawn a.  Tun \um Hmeichhe Singles Final-a chak zawk zawk hi world no.1 an ni nghal dawn nghe nghe a ni.
 Mipa Singles Final chu naktip (Jan 29, Chawlhni) chawhnu dar 1:30 vela a\anga khelh \an a ni dawn thung a.  Tun \um 'Australian Open 2012' hi STAR-Sports channel-in an rawn LIVE \hin e.

Man City atangin QPR-ah
 Queens Park Rangers chuan Manchester City a\angin defender Nedum Onuoha an la.
 England U-21 int'l hlui Onuoha hi QPR manager Mark Hughes-a hunlaiin Man City-ah hian khel ve \hin mahse tunhnaiah erawh khel phak meuh tawh lovin,  season liamta te khan Sunderland-ah loan-in a kal a.  Tichuan, nimintlai khana a pu hlui Hughes hian QPR lamah senglutin, kum 4½ chhung atan contract a ziakpui a ni.
 QPR hian tunhnai khan AC Milan a\angin Nigerian int'l defender Taye Taiwo (26) chu tun season tawp thleng atan loan-in an la bawk.

Cahill thlaktu turin Ream la
 Bolton Wanderers chuan tunhnaia Chelsea lam pansantu Gary Cahill thlaktu tur atan Tim Ream an la.
 American int'l defender Ream (24) hi New York Red Bulls (USA)-a khel \hin a ni a.  Nimintlai khan Trotters-ho hian Pound mtd 2·5-a leiin, kum 3½ chhung atan contract an ziakpui a ni.

'FA Cup' 4th Round...
 Jan 27  (Zirtawp)  zanlai  –
 Watford vs Tottenham Hotspur  [1:15]
 
Jan 28  (Inrinni)  zan  –
 Queens Park Rangers vs Chelsea  [6:00]
 Liverpool vs Manchester United  [6:15,  SONY-PIX]
 Brighton & Hove Albion vs Newcastle United [10:45]
 
Jan 29  (Chawlhni)  zan  –
 Arsenal vs Aston Villa  [9:30]
 
'Spanish La Liga' lamah...
 Jan 28  (Inrinni)  zanlai  –
 Real Madrid vs Real Zaragoza [12:30,  TEN-ACTION]
 Villarreal vs Barcelona  [2:30,  TEN-ACTION]
 Jan 29  (Chawlhni)  zan  –
 Racing Santander vs Valencia [10:30,  TEN-ACTION]
 
'Italian Serie A' lamah...
 Jan 28  (Inrinni)  zanlai  –
 Juventus vs Udinese  [1:15,  TEN-SPORTS]
 Jan 29  (Chawlhni)  zan  –
 Genoa vs Udinese  [7:30,  TEN-ACTION]
 AC Milan vs Cagliari  [1:15,  TEN-SPORTS]