Nizan khan 'English Premier League'-ah match 5 lai a awm a.  Inkhel hrang hrangte zingah league table-a 1-na ni mek Manchester City chu tláwmin, 4-na ni mek Chelsea pawh an chak zo lo.
 Man City hian nizan hian away-ah Everton an va hmachhawn a;  an \henawm Manchester United midfielder hlui Darron Gibson-a’n min.60-na vela Everton tana goal a thun chu an sût theih-loh avangin Man City hi nizan inkhelah hian 0–1 in an tláwm a ni.
 Chelsea hian tun season-a 'Premier League' kai-thar Swansea City chu away-ah tho an va hmachhawn a.  Min.90+3-na vela Swansea defender Neil Taylor-a own-goal hmangin Chelsea hian 1–1 score an va hlawhchhuak thei hram zawk nghe nghe a ni.
 Nizan inkhel dangah 2-na ni mek Man Utd chuan an mikhual Stoke City chu penalty-spot a\anga ve ve-a Javier Hernandez leh Dimitar Berbatov te goal thun hmanga 2–0 a lo hnehin, 1-na Man City nen an point hmuh zat a inang ta a.  3-na Tottenham Hotspur chuan an mikhual Wigan Athletic chu Gareth Bale (2) leh Luka Modric te goal thun hmanga 3–1 a lo hnehin;  Liverpool pawhin an va mikhualna Wolverhampton Wanderers chu Andy Carroll, Craig Bellamy leh Dirk Kuyt te goal thun hmanga 3–0 a va hnehin tun dinhmun atan 7-na atangin 5-naah an awm-chho ta bawk.

** Zanin hian match 5 dang a awm leh dawn a.  Inkhel tur hrang hrangte zinga LIVE-a kan lo en ve leh theih tur ni-a kan hriatte...
 Zanin  (Feb 1, Nilai)  zanlai  –
 Aston Villa vs Queens Park Rangers [1:15,  TRUE-Sport-5]
 Bolton Wanderers vs Arsenal [1:30,  ESPN]
 Blackburn Rovers vs Newcastle United [1:30,  STAR-Sports]

Hun hnuhnunga thil thleng thenkhat
 Nimin lama tarlan tawh angin tun 2011-12 season kalmek atana Mid-Season Transfer Window chu kan India ram huna tukin dar 4:30 khan khar a ni ta a.  Hun hnuhnunga transfer langsar-zual \henkhat chu hengte hi an ni e...
 Player Pos. From To Fee
 Roman Pavyluchenko FW Tottenham Lokomotiv M. £7·5m
 Kevin de Bruyne MF Genk Chelsea £6·7m
 Nikica Jelavic FW Rangers Everton £5·5m
 Alex DF Chelsea PSG £4·5m
 Bobby Zamora FW Fulham QPR £4·5m
 Djibril Cisse FW Lazio QPR £4·1m
 Pavel Pogrebnyak FW Stuttgart Fulham £3m
 Patrick Bamford FW Nottingham F. Chelsea £1·5m
 Thomas Eisfeld MF B.Dortmund Arsenal £600k
 Ryan Nelsen DF Blackburn Tottenham free
 Louis Saha FW Everton Tottenham free
 Steven Pienaar MF Tottenham Everton loan
 David Pizarro DF Roma Man City loan
 Vedran Corluka DF Tottenham B.Leverkusen loan
 Sebastien Bassong DF Tottenham Wolverhampton loan
 Sotirios Kyrgiakos DF Wolfsburg Sunderland loan
 Wayne Bridge DF Man City Sunderland loan

Thla 18 chhung atan Sutil suspend
 Formula One (F1) driver Adrian Sutil chu thla 18 chhunga atana suspend a nih bakah Euro nuai 2 [Pound 1,67,224; US Dollar 2,64,092] cháwi tura hrem a ni.
  German vâl Sutil hi nikum April thlaa 'Chinese Grand Prix 2011' neih zawha Shanghai (China)-a night club pakhata champagne palang-keh hmanga Renault team [tuna Lotus team ni ta] chief executive Eric Lux-a nghâwng a tih-ah chungchangah nimintlai khan thiamloh chantir a ni a.  Hei vang hian hremna na tak mai hi a chungah lekkawh a ni dawn a ni.
 Kum 29-mi Sutil hi a tel mekna Force India team chuan Kumin 2012 Season hian a aiah Nico Hulkenberg an teltir dawn a.  Chubakah, F1-a a tel phalna 'super licence' chu FIA lamin an la cancel-sak maithei nghe nghe bawk.

Test Ride hmasaah Lorenzo che tha
 MotoGP lama Kumin 2012 Season-a 'test ride' neih hmasak-berah Nikumhmasa 2010 Season-a MotoGP World Champion nihna changtu Jorge Lorenzo a che\ha ber.
 Nimintlaia 'test ride' neihah hian Kumin 2012 Season-a an hma tur 1000cc machine-te chu an lìm-pui hlawm a.  Hetah hian Yamaha Factory Racing rider Lorenzo hi che\ha berin;  Repsol Honda rider Dani Pedrosa leh Yamaha Tech 3 rider Cal Crutchlow ten an dawt a ni.
 'Sepang Circuit' (Malaysia)-a 'test ride' neihah hian Yamaha Factory Racing rider dang Ben Spies chu a che\ha 4-na niin;  Ducati Team rider Valentino Rossi chu a che\ha 5-na a ni a.  Hetih lai hian MotoGP World Champion nilai Casey Stoner (Repsol Honda) erawh a hnungzâng a nat avangin a tel theilo thung.
 Nimintlai 'test ride'-a che \ha ber Lorenzo chuan Kumin 2012 Season a\anga an hman \an tur 1000cc machine chu, "a chak\ha-in tihsual hlek palhah pawh insiam\hat leh nghal vat nan power a ngah hle mai a;  800cc machine-ah kha chuan tihsual neih a thianglo tluk a ni" tiin, a fak hle.