Nizan khan 'English Premier League'-ah match 5 lai a awm leh a.  Season-leha 'UEFA Champions League'-a tel phak thei tura Top 4 huanga awm tuma bei mek zingah Newcastle United an chak laiin Arsenal erawh an chak zo ve lo.
 Newcastle Utd hian nizana an mikhualna Blackburn Rovers chu 2–0 in an va hneh a.  Arsenal erawhin an mikhualna Bolton Wanderers chu 0–0 in an va in-draw-pui thung a ni.
 Nizan inkhel dangah Sunderland chuan a mikhual Norwich City chu 3–0 in an lo hneh a.  Aston Villa leh Queens Park Rangers te chu 2–2 a in-draw-in;  Fulham leh West Bromwich Albion te pawh 1–1 in an in-draw bawk.

** League table thar ber chu hetiang hi a lo ni leh ta...
  Top half P GD Pts  Bottom half P GD Pts
 1 Man City 23 41 54 11 Norwich 23 -7 29
 2 Man Utd 23 35 54 12 Aston Villa 23 -3 28
 3 Tottenham 23 19 49 13 Fulham 23 -3 27
 4 Chelsea 23 15 42 14 Swansea 23 -4 27
 5 Newcastle 23 4 39 15 West Brom 23 -9 26
 6 Liverpool 23 7 38 16 QPR 23 -15 21
 7 Arsenal 23 6 37 17 Bolton 23 -19 20
 8 Sunderland 23 8 30 18 Blackburn 23 -14 18
 9 Stoke 23 -12 30 19 Wolverhampton 23 -18 18
 10 Everton 23 -3 29 20 Wigan 23 -28 15

Egyptian football-ah chhiatna rapthlak
 Egyptian football-a chhiatna rapthlak ber ni turin nizan khan football inkhelnaa buaina chhuakah mi 73 zet an thih bakah mi 1000 chuang zet an hliam a;  thi zat hi a la pun-belh a rinawm ni-a sawi a ni bawk.
 Nizan khan Egypt rama Port Said khawpui 'Port Said Stadium'-ah Eygptian football club hlawhtling ber ber– al-Masry leh al-Ahly te an inkhel a.  Inkhelh zawh vela an fans ve ve-te chu a \henin chemtë-te kenga khelmual chhunga tlanlut-a inpeksual nghalin, chhiatna rapthlak tak mai hi a thleng zui a ni.

Terry thubuai ngaihtuah hun sawnhla
 England National Football Team captain John Terry-a thubuai neih mek ngaihtuah hun chu sawn-hlat a ni.
 Chelsea defender Terry hi nikum Oct.23-a 'English Premier League' match-a QPR defender Anton Ferdinand-a, mihang rawng-kai a nihna hmusit zâwnga \awng/khawsak-khumah puh a ni a.  Hemi chungchang hi tun hnaivai ni lo, 'Euro 2012' zawhfel hnu Jul.9 daiha ngaihtuah turin a ngaihtuahtu tur Westminster Magistrates' Court chuan nimintlai khan an sawn-hla anih chu.
 Hetiang a nih chuan kum 31-mi Terry hi 'Euro 2012'-ah England captain a ni thei dawn tihna a ni a.  Hetih lai hian British MP pakhat Damian Collins leh FARE (Football Against Racism in Europe)-a an executive director Piara Powar te chuan Terry hi thubuai neilai a nih avang hian 'Euro 2012'-ah England captain ni lo se an duh thu an lo sawi ve mek.

Australia hmaah India tláwm leh ta
 Australia rama tour an neih mekah Kan India national cricket team chu Australia national cricket team lakah an tláwm leh ta.
 Nimin khan India leh Australia te hian Twenty20 Cricket match an khelh a.  Hetah hian tunhnaia '4-match Test Series' an neiha 0–4 laia tláwm Team India hi run 31 laiin an chaklo leh a ni.
 'Sydney Olympic Stadium'-a nimin inkhel hi a hmunah mi 59,659 zetin an en a.  Hei hian nikuma he khelmual thova Australia leh England te inkhel entu zat 58,446 chu khumin;  he khelmuala nikhat thilthua cricket match entu an tam ber \um record thar a ni nghe nghe.
 India leh Australia te hian naktuk (Feb 3, Zirtawpni) chawhnu dar 2:00 vel a\angin 'Melbourne Cricket Ground'-ah T20 match dang an khel leh ang.  [LIVE on ESPN, STAR-Cricket].

Stoner a rawn che tha nghal
 MotoGP World Champion nilai Casey Stoner chu 'Sepang Circuit' (Malaysia)-a 'test ride' neih-chho mekah a che\ha nghal hle.
 Repsol Honda rider Stoner hi a inhliam vanga niminpiaha 1st test neiha tel theihloh hnuin nimina 2nd test neihah chuan telve tawhin, a che\ha ber a ni nghal a.  Vawiina 3rd test neih mekah pawh he thu kan buatsaih lai thleng chuan a che\ha ber a ni mek bawk a ni.
 Australian vâl Stoner chuan Kumin 2012 Season a\anga an hman \an tur 1000cc chu, "a chak \hat avangin a phurawm khawp mai... a nghet churh lehnghal a" tiin, a fak hle.