Tun 2011-12 season hian 'FA Cup' Final khelh nî-ah 'English Premier League' match te khel-lo tura ruahmanna siam a ni.
 2010-11 season liamta khan Manchester City leh Stoke City ten 'FA Cup' Final an khelh chu 'Premier League' lama Blackburn Rovers an in-draw-pui avanga Manchester United an champion hnu darkar tlemtë-a khelh a nih avangin a hlutna a tlakhniam phah nasa hle mai a.  Hetiang ang thil hi a awm tawhloh nan ruahmanna thar hi siam a ni.
 Tun season atana 'FA Cup' Final chu May 5 (Inrinni)-a khelh tur a ni a.  Chuvangin, hemi nî-a 'Premier League' fixture zawng zawngte chu a tuk May 6 (Chawlhni)-a khelh tura sawn-hlat vek an ni anih chu.
 A lehlamah; tun season hian 'UEFA Europa League' Final chu May 5 (Inrinni) hnua Nilaini hmasa-ber May 13-a khelh tur a nih avangin, Premier League club-te zinga he 'Europa League' Final-a khel tur an awm chuan chu mite bik chu inpuahchahna hun tam zawk an neih theih nan May 6 (Chawlhni)-ah ni lovin May 5 (Inrinni)-ah an 'Premier League' match khelhtir an ni thung ang.

Asian U-23 Best XI–ah Jeje-a a tel
 Khawvela football website lar leh rintlak ber pawl Goal.com-in nikum 2011 chhunga Asia khawmualpuia kum 23 hnuailam-te zinga position hrang hranga footballer \ha a thlanah Mizo tlangval Jeje Lalpekhlua a tel.
 India national team leh Pune FC te-a an striker rinráwl ni mek Jeje Lalpekhlua hi India mai ni lo, SAFF (South Asian Football Federation) hnuaia awm ram hrang hrangte zinga a\anga he 'Asian U-23 Best XI for 2011'-a lang-phak awmchhun a ni nghe nghe a ni.

FIFA-in report kimchang a phût
 Football khawvela thuneitu sáng-ber FIFA chuan nizanhmasaa Egypt rama inkhelnaa buaina chhuak vanga mi 70 chuang zet an thih baka mi 1000 chuang zetin hliam an tawrh chungchangah a rang thei ang bera report kimchang thehlut turin Egyptian FA te a hriattir.
 Nimin lama tarlan tawh angin Egypt ram khawpui pakhat Port Said-a 'Port Said Stadium'-ah nizanhmasa khan Eygptian football club hlawhtling ber ber– al-Masry leh al-Ahly te an inkhel a.  An inkhelh zawh veleh an fans ve ve-te chu – a \henin hriamhrei kenga – khelmual chhunga tlanlut-a inpheksual nghal chiamin,  Egyptian football-a chhiatna rapthlak ber mai a thleng zui anih kha.

'English Premier League' en ang...
 Feb 4  (Inrinni)  zan  –
 Arsenal vs Blackburn Rovers  [6:15,  ESPN]
 Queens Park Rangers vs Wolverahampton  [8:30,  ESPN]
 West Bromwich Albion vs Swansea City  [8:30,  STAR-Sports]
 Wigan Athletic vs Everton  [8:30,  TRUE-Sport-3]
 Norwich City vs Bolton Wanderers  [8:30,  TRUE-Sport-2]
 Stoke City vs Sunderland  [8:30,  TRUE-Sport-1]
 Manchester City vs Fulham [11:00,  ESPN]
 Feb 5  (Chawlhni)  zan  –
 Newcastle United vs Aston Villa  [7:00,  ESPN]
 Chelsea vs Manchester United  [9:30,  ESPN]
 Feb 6  (Thawhtan)  zanlai  –
 Liverpool vs Tottenham Hotspur  [1:30,  ESPN]
  'Spanish La Liga' lamah...
 Feb 4  (Inrinni)  zanlai  –
 Getafe vs Real Madrid [12:30,  TEN-ACTION]
 Barcelona vs Real Sociedad  [2:30,  TEN-ACTION]