'English Premier League'-ah nizan leh nizanhmasa te khan inkhelh runpui a awm leh a.  Inkhel hrang hrangte zinga a langsar-berah Chelsea leh an mikhual Manchester United te chu 3–3 in in-draw.
 'Stamford Bridge'-a nizan inkhel hmuhnawm tak maiah hian khelmual neitu lam The Blues-ho hian Juan Mata, Jonny Evans (o.g) leh David Luiz te goal thun hmangin 3–0 laiin hma an hruai phawt a.  Mahse, hemi hnua penalty sawisel theih tak tak 2 a\anga Wayne Rooney pet-goal leh chumi hnua Javier Hernandez-a goal thun te hmangin mikhual lam Red Devils-ho hian an si phurh te hi an rawn sût leh a ni.
 Inkhel dangah Manchester City chuan an mikhual Fulham chu 3–0 laia lo hnehin league table-ah hma an la hruai tluang zel a.  Newcastle United chuan nizana an mikhual Aston Villa chu 2–1 a lo hnehin;  Arsenal pawhin an mikhual Blackburn Rovers chu Robin van Persie hattrick siam hmangin 7–1 zetin an lo sawp bawk.

** Scoreline kimchang :
 Man City 3–0 Fulham
 Chelsea 3–3 Man Utd
 Newcastle 2–1 Aston Villa
 Arsenal 7–1 Blackburn
 Stoke 0–1 Sunderland
 Norwich 2–0 Bolton
 West Brom 1–2 Swansea
 Wigan 1–1 Everton
 QPR 1–2 Wolverhampton

** Table thar [Top 7] :
   Club P GD Pts
 1 Man City 24 44 57
 2 Man Utd  24 35 55
 3 Tottenham 23 19 49
 4 Chelsea  24 15 43
 5 Newcastle 24 5 42
 6 Arsenal  24 12 40
 7 Liverpool 23 7 38

** Zanin zanlai dar 1:30 hian Liverpool leh Tottenham Hotspur te an inkhel ve leh dawn a.  Hei hi ESPN channel chuan an rawn LIVE leh dawn e.

'Spanish La Liga' lamah...
  Scoresline langsar zual thenkhat:  Table thar P GD Pts
 Getafe 0–1 Real Madrid  1. Real Madrid 21 52 55
 Barcelona 2–1 Real Sociedad 2. Barcelona 21 48 48
 Atletico Madrid 0–0 Valencia 3. Valencia 21 9 37
 Levante 1–1 Racing Santander 4. Levante  21 2 32
 Athletic Bilbao 3–3 Espanyol 5. Espanyol 21 1 32
 Sevilla 1–2 Villarreal  6. Athletic Bilbao 21 5 30

'Italian Serie A' lamah...
  Scoresline langsar zual thenkhat:  Table thar P GD Pts
 Juventus 0–0 Siena  1. Juventus 21 20 45
 AC Milan 0–0 Napoli  2. AC Milan 22 24 44
 Fiorentina 3–2 Udinese  3. Udinese  22 13 41
 Genoa 3–2 Lazio   4. Lazio  22 12 39
 Roma 4–0 Inter Milan  5. Inter Milan 22 5 36
 Palermo 2–1 Atalanta  6. Roma  21 10 34

Australia hmaah India tláwm leh ta
 Australia, India leh Sri Lanka ten 'Tri-Nations ODI Series' an neih \an chho meka match hmasa berah Kan India national cricket team chu a thlengtu Australia national cricket team lakah an tláwm.
 India team hian tunhnaia Test match vawi 4 an neih te-a an hnehloh fai vek Australia team hi nimin khan 'Melbourne Cricket Ground'-ah ODI match an khelhpui leh a.  Hetah hian India team hi run 65 laiin an chaklo a ni.

Yuvraj Singh a 'cancer'
 Nikuma 'ICC Cricket World Cup 2010'-a India champion-puitu Yuvraj Singh chu a chuap a cancer a.  Hei vang hian chemo' khaiin Cancer Research Institute (Boston, USA)-ah a awm mek.
 Kum 30-mi Yuvraj Singh-a chuap cancer hi Stage I chauh a la ni ni-a sawi a ni a.  Hei vang hian amah enkawltu Dr Jatin Chaudhary chuan May thla velah khi chuan inkhel thei tura a dam \hat leh hman a beiseiawm tih a sawi a ni.

Motor-sport thunawi
ººº MotoGP lama Nikumhmasa 2010 Season-a MotoGP World Champion nihna changtu Jorge Lorenzo chuan Kumin 2012 Season-a an bike hman tur ang-chi 1000cc machine/engine-te chu an top-speed tih-hniam/nep deuh nise a tih thu a sawi.  'Sepang Circuit'-a a hmaa top-speed record chu 2004 Season-a Max Biaggi-a’n 990cc machine/engine hmanga a siam 317·7 km/h a nih laiin 1000cc machine/engine-tehmanga karhmasa test ride an neih \umah erawh rider-te'n 320 km/h chuang te an hawlh zung zung hlawm a ni.
ººº Formula One (F1) lama Hispania Racing Team chuan Kumin 2012 Season-a an driver pakhat-zawk atan Indian vâl Narain Karthikeyan an ruat chiang ta.  Indian zinga F1 driver ni hmasa-ber tura 2005 Season atanga F1 luhchilh-a F1 intlansiakna 27 zeta lo start tawh Karthikeyan (35) hi Kumin 2012 Season hian Pedro de la Rosa (40) nen HRT-ah hian an inkawp ang.