England ram football-a thuneitu sáng-ber FA-a an hotu-te chu an England National Team coach thar tur ngaihtuahin vawiintlai hian an inhmukhawm dawn ni-a tarlan a ni.
 Tarlan tawh angin Italian football coach lar Fabio Capello chuan niminpiah-tlai khan England National Football Team coach a niha atan bànna thehlutin a báng nghal a.  'Euro 2012' \an nan thla 4 chauh hun a awm tawh avangin FA chuan England National Team tan hian coach thar neih thuai \ul an ti hle a ni.
 Thuthang thenkhatah chuan FA hian England National Team coach thar atan hian English ngei emaw British hrim hrim emaw deuh kher an duh ni-a sawi a ni a.  Hei vang hian Tottenham Hotspur-te English manager Harry Redknapp emaw Sunderland-te Northern Irish manager Martin O'Neill te chuan sawi-rik an hlawh hle.

'English Premier League' en ang...
 Feb 11  (Inrinni)  zan  –
 Manchester United vs Liverpool  [6:15,  ESPN]
 Everton vs Chelsea  [8:30,  ESPN]
 Sunderland vs Arsenal  [8:30,  STAR-Sports]
 Tottenham Hotspur vs Newcastle United [11:00,  ESPN]
 Feb 12  (Chawlhni)  zan  –
 Wolverhampton vs West Bromwich Albion  [7:00,  ESPN]
 Aston Villa vs Manchester City  [9:30,  ESPN]

ICC Hall of Fame-ah Gavaskar
 Cricket khawvel inthlun-khawmna ICC (International Cricket Council) chuan Indian cricket legend Sunil Gavaskar chu 'ICC Hall of Fame'-ah a senglut.
 India National Team captain hlui Gavaskar (62) hi Test cricket-a run 10000 siam tling hmasa-ber a ni a.  Century vawi 30 te siam tling thei hmasa-ber a ni bawk.
 'ICC Cricket World Cup 1983'-a India an champion \uma tel Gavaskar hi India national team tan kum 16 chhung zet khelin, Test vawi 125 leh ODI vawi 108 te a khel a.  Test bikah hian run 10122 leh ODI bikah run 3092 te a siam hman a ni.

Formula One (F1) thunawi
ººº Ferrari team chuan Kumin 2012 Season-a an car hman tur 'F2012' chu March 16–18 weekend-a 2012 Season opening round 'Australian Grand Prix 2012' neih hma ngeia thawm\hat a \ul thu an sawi.  F1 team hrang hrangte zinga sunhnu nei \ha ber an ni chunga tunhnaia che\ha hleithei tawhlo Ferrari hi tunhnaia nï 3 chhung 'test drive' neih tawhah-te an che\ha lemlo hle  a ni.
ººº United Kingdom-a an House of Lords-a members 7 lai leh MP lar ber pawl Coroline Lucas te chuan tuna Bahrain ram dinhmun enin Kumin 2012 hian 'Bahrain Grand Prix' neih ni lo leh se an duh thu an auchhuah-pui hlawm.  Nikum 2011 pawh khan Bahrain rama tualchhung buaina lian tak a awm avangin 'Bahrain GP' hi neih a lo ni lo tawh anih kha.