'UEFA Europa League' lama nizana Round-of-32 1st Leg match khelh hrang hrangah Manchester khaw football club– Manchester United leh Manchester City te chuan hnehna an chang ve ve.
 Tunhmaa vawi 3 lai European Champion lo ni tawh Man Utd (ENG) hian tunhmaa vawi 4 zet European Champion lo ni tawh Ajax Amsterdam (NED) an hmachhawn a.  'Amsterdam Area'-a nizan inkhelah hian mikhual lam Man Utd hi 2nd half-a Ashley Young leh Javier Hernandez te goal thun hmangin 2–0 in an va chak a ni.
 'English Premier League' lama 1-na ni mek Man City (ENG) hian 'Europa League' lama champion dinglai FC Porto (POR) an hmachhawn a.  'Estádio do Dragão'-a nizan inkhelah hian mikhual lam Man City hi goal an chhuah hmasak zet hnua own goal leh Sergio Aguero te goal thun hmangin 2–1 in an va chak a ni.
 Nizan inkhel dangah Valencia (ESP) chuan khingpui Stoke City (ENG) chu away-ah 1–0 in an va hneh a.  Champion hlui Atletico Madrid (ESP) pawhin an khingpui Lazio (ITA) chu season liamtaa Top Scorer Romedal Falcao goal 2 thun-te hmangin away-ah 3–1 laiin an va hneh bawk.

Football thunawi dangte
** Manchester City chuan, nizan 'UEFA Europa League' match-ah an mihang player \henkhatte chu an khingpui FC Porto fan(s) \henkhatin 'mihang' an nihna deusawh zâwngin an au-el tiin UEFA hnenah complaint an thehlut.
** Manchester United winger Antonio Valencia chu nizan 'UEFA Europa League' match-a a kaiza-tha a chah avangin thla 1 vel lai a chawlh a ngai dawn ni-a sawi a ni.
** Liverpool striker Luis Suarez chu tun season tawp hian pawisa ngah Paris Saint-Germain (FRA) lamah an insawn maithei tih France rama infiamna chanchinbu lian L'Equipe chuan an tarlang.
** Chelsea manager Andre Villas-Boas chuan, a player \henkhat te'n a thil ruahman dan ang pawmpui lemlo mahse an club neitupa Roman Abramovich chu a lamah a \ang tlat tih a sawi.
** England National Team coach thar ni tura rin kai ber Harry Redknapp chuan, a club enkawl mek Tottenham Hotspur chu chuti maia chhuahsan a duh-loh avangin England team hi chu part-time ang chauha enkawl a duh tih a inpuang.

'FA Cup'  Pre-Q/F
 Feb 18  (Inrinni)  zan  –
 Chelsea vs Birmingham City  [6:00,  TRUE-Sport-1]
 Everton vs Blackpool  [8:30,  TRUE-Sport-1]
 Sunderland vs Arsenal [10:45,  TRUE-Sport-1]
 Feb 19  (Chawlhni)  zan  –
 Crawley Town vs Stoke City  [5:30,  TRUE-Sport-3]
 Stevenage vs Tottenham Hotspur  [7:30,  TRUE-Sport-1]
 Liverpool vs Brighton & Hove Albion [10:00,  TRUE-Sport-1]

Vitali Klitschko leh Chisora ten Haye kâp
 World Boxing Council (WBC) Heavyweight Champion ni mek Vitali Klitschko leh amah chotu Dereck Chisora te chuan tun weekend-a title bout an neih tur denchhena news conference neihah World Boxing Association (WBA) Heavyweight Champion hlui David Haye chu an kâp dun hle.
 British mihang boxer Haye hi Klitschko unau-te zinga a naupang zawk Wladimir Klitschko nen nikuma an inhnek \um khan Haye hi chak tum chu sawi-loh knockout-a chakloh pumpelh nan invêng pahin a tlachhe-kual a nih ber mai kha.
 Ukrainian palian Vitali Klitschko (40) hian “Haye ang lovin Chisora hi chu fighter tak tak niin, a aggressive zawk bawk a; chunvangin fight dik tak kan neih ngei ka beisei” a ti hmiah mai a.  British mihang ve tho Chisora (28) pawhin “Vitali Klitschko hmachhawn tura ring chhunga ka luh hunah kei chu Haye anga tlanchhe kual ve mai maki dawn lo” a lo ti ve mek bawk.
 Bout 15 a\anga '43 wins (40 KOs), 2 loss' record neitu Vitali Klitschko  leh  bout 17 a\anga '15 wins (10 KOs), 2 loss' record neitu Dereck Chisora te hi Kan India ram huna Feb.18 (Inrinni) zanlai pelh [Feb.19 (Chawlhni) zinglam]-a WBC Heavyweight title bout an neih tur hi TRUE-Sport-5 channel chuan an rawn LIVE dawn tih an tarlang e.

Motor-sport thunawi
ººº Formula One (F1) supremo Bernie Ecclestone chuan Kumin 2012 F1 Season hian 'Bahrain Grand Prix' neih a ni leh tawh dawn tih a sawi.  Bahrain rama tualchhung buaina nasa tak mai a awm avangin Nikum 2011 Season khan 'Bahrain Grand Prix' hi \hulh a lo ni tawh anih kha.
ººº MotoGP-a thuneitu sáng FIM chuan Kumin 2012 Season hian 'Portuguese MotoGP' round a tel dawn tih an puang chiang.  Contract chungchanga an inbiakrem thei-loh reng vangin FIM hian 'Portuguese MotoGP' hi Kumin 2012 MotoGP Calendar a\anga paih an tum hman a ni.