'UEFA Champions League'-ah nizan khan Pre.Q/F [Round of 16] 1st Leg match 2 a awm a.  Chungah chuan Chelsea chu tláwmin, Real Madrid pawh an chak zo bik lo.
 Tun season-a an telna competition hrang hrangte-a beisei phaklo tak Chelsea (ENG) hian Napoli (ITA) an hmachhawn a.  'Stadio San Paolo'-a inkhelah hian min.27-naa Juan Mata goal thun hmangin mikhual lam Chelsea hian hma hruai hmasa zet mahse hemi hnua Ezequiel Lavezzi (2) leh Edison Cavani te goal thun hmangin khelmual neitu lam Napoli hi 3–1 in an rawn chak leh a ni.  [nizana Napoli an hmachhawn hmaa training an neihnaah Chelsea defender \ha leh an captain ni bawk John Terry chu a khup a tihnat palh avangin chawlhkar 8 vel lai a chawlh a ngai dawn ni-a sawi a ni nghe nghe].
 'Spanish La Liga' lama 1-na ni mek Real Madrid (ESP) hian CSKA Moscow (RUS) an hmachhawn thung a.  Artificial grass phahna 'Stadion Luzhniki'-a inkhelah hian min.28-naa Cristiano Ronaldo goal thun hmangin mikhual lam Real Madrid hian hma hruai hmasa zet mahse hun tawp dawn teptera Pontus Wernbloom-a goal thun hmanga a thlengtu lam CSKA Moscow hian sûtin, 1–1 in an \in a ni.

** Zanin (Feb 22, Nilai) zanlai hian Pre.Q/F [Round of 16] 1st Leg match dang 2 a awm leh dawn a.  Hetiangin –
 Olympique Marseille (FRA) vs Inter Milan (ITA)  [1:15, TEN-Action]
 FC Basel (SUI) vs Bayern Munich (GER)  [1:15, TEN-Sports]

'UEFA Europa League'...
Round-of-32  Return Leg :
 Zanin  (Feb 22, Nilai)  –
 Manchester City [2]vs[1] FC Porto [10:30, TEN-Action]
 Naktuk  (Feb 23, Ninga)  zan  –
 Athletic Bilbao [1]vs[2] Lokomotiv Moscow [11:30, TEN-Action]
 Valencia [1]vs[0] Stoke City [11:30, TEN-Sports]
 PAOK Salonika [0]vs[0] Udinese [11:30, TRUE-Sport-2]
 Club Brugge [1]vs[2] Hannover 96 [11:30, TRUE-Sport-6]
 Manchester Utd [2]vs[0] Ajax Amsterdam  [1:35, TEN-Action]
 Atletico Madrid [3]vs[1] Lazio  [1:35, TEN-Sports]
 Schalke 04 [1]vs[1] Victoria Plzen  [1:35, TRUE-Sport-5]

International football friendly match
         Naktuk  (Feb 23, Ningani)  –
 India vs Oman [3:00pm, TEN-Action]

India tláwm
 Australia rama 'Tri-Nations ODI Series' neih mekah nimin khan  Kan India national cricket team chu an tláwm.
 Team India hi nimina an khelh Sri Lanka chu run 51 laiin an hneh lova.  Tihian, Team India hi match an khel tam tawh ber chungin a mawngphahah an awm-thla ta mek bawk nghe nghe.

Rematch a duh
 Ukrainian heavyweight boxer Vitali Klitschko chuan, a WBC Heavyweight title vawnhim nana tunhnaia a hneh Dereck Chisora chu a nungchang mawilo tak vanga hremna angreng deuh atan a hma aia nasa zawka a sawp hlek theih nan rematch neihpui a duh tih a sawi.
 British mihang heavyweight boxer Chisora hian Vitali Klitscho hi title bout an neih hma nî-a inbukna an neih zawha inenrumna hun an hman laia a hmaia a ben bakah, title bout an neih \an hma lawkin a tui hmuam chu a nau Wladimir Klitschko a pik-khum bawk a.  Chumai ni lovin title bout zawha new conference neih zawh hnuah Chisora hian a British-pui WBA Heavyweight Champion hlui David Haye chu a intihbuai-pui leh bawk anih kha.