Nizan khan Hmeichhe Singles Quater-Final match-te khelh niin;  Zanin hian Mipa Singles Q/F match-te khelh an ni bawk ang.

Hmeichhe Singles lam Q/F-ah hian 2004-a champion, tun \uma seeded no.5 Maria Sharapova chuan seeded no.24 Dominika Cibulkova chu 6-1 6-1 a sawpin Semi-Final a lut a.  Seeded no.4 Victoria Azarenka pawhin a bitum Tamira Paszek chu 6-3 6-1 a hnehin S/F hi a thleng-chho bawk. 

Rei tak chhung a inhliam avanga world no.218 daiha tlathla-a tun tumah pawha wild card anga tel ve thei hram Sabina Lisicki chuan seeded no.9 Marion Bartoli chu 6-4 6-7 6-1 a hnehin S/F hi a chuang-kai bawk a.  Seeded no.8 Petra Kvitova pawhin seeded no.32 Tsvetana Pironkova chu 6-3 6-7 6-2 a hnehin S/F a lut bawk a ni.

Mipa Singles Q/F   –   [June 29, Nilai]

Rafael Nadal  [1]    vs    Mardy Fish  [10]
Andy Murray  [4]    vs    Feliciano Lopez
Jo-Wilfried Tsonga  [12]    vs    Roger Federer  [3]
Bernard Tomic    vs    Novak Djokovic  [2]
Hmeichhe Singles S/F   –   [June 30, Ninga]  –
Maria Sharapova  [5]    vs    Sabine Lisicki
Victoria Azarenka  [4]    vs    Tsvetana Pironkova  [32]

Nadal a tel chhunzawm thei dawn e
'Wimbledon 2011' neih mekah Mipa Singles lama seeded no.1 Rafael Nadal chu zanina Quarter-Final–a Mardy Fish hmachhawn thei turin a rawn dingchhuak thei dawn tih a puang. Nimin lama tarlan tawh angin 'Wimbledon' Mipa Singles title kawl mektu Nadal hi nizanhmasaa 4th Round-a Juan Martin Del Potro a hneh \uma a ke-phah ná chu nimin khan MRI scan a tihtir a.  Hetah hian thil hlauhthawn tur a awm loh avangin Nadal chuan nimina MRI scan a tih zawh rual rual hian “Vawiintlai-ah ka practice anga, naktuktlai-ah ka inkhel ang” tiin, chawl lova a inkhelh chhunzawm tur thu a puang nghal a ni.

Spanish tlangval thahrui-ngah Nadal (25) hi 'Wimbledon'-ah hian 2007 Final-a Roger Federer a hnehloh hnu khan hnehloh a nei leh tawh rih lo.