** Barcelona chuan Arsenal midfielder \ha Cesc Fabregas an lei ngamna zat chu Pound mtd 34-ah an tipung chho ta.  [Daily Mirror].

**Ipswich Town chuan an rawlthar striker hleitling Connor Wickham [kum 18, 6'3"] chu Pound mtd 9-a lei diltu Sunderland-te hnena hralh an remti tawh niin a lang ta.  [BBC Sport].

**Chelsea leh Manchester City tena Pound mtd 40 ve ve-a an rawlthar striker duhawm Neymar lei an dilna chu Santos hotu-te chuan an pawm tãk avangin Neymar hi Chelsea leh Man City te zinga a tute emaw zawk zawk hi a pan ngei a rinawm ta hle.  [Daily Star]. 

Wladimir-a’n Haye-a a sawisel

Boxing lama WBO, IBF leh IBO Heavyweight Champion ni kawp mek Wladimir Klitschko  leh  WBA Heavyweight Champion ni mekte chuan an title kawl mekte hi thàp ve ve-in tun Inrinni lo awm tur July 2 khian an inhnek dawn a.  Hemi atana news conference an neihah Wladimir Klitschko chuan a khingpui tur Haye-a khawsak dan a sawisel hlak.

British mihang rawng-kái Haye chu he news conference-ah hian Wladimir Klitschko leh a u Vitali Klitschko te lû a tan-lai lem chuanna T-Shirt a rawn ha hem mai a.  Hei mai hi duhtawk lovin Haye chuan Wladimir Klitschko nena an inhnek tur chu "boxing khawvela intihhlumna nunrawng-ber mai a ni dawn" tih a sawi bawrh bawrh bawk a ni.

Hetianga Haye a khawsa chiam mai hi Ukrainian palian Wladimir Klistschko chuan a lo ngaitheilo hle mai a.  "Boxing hi mi tam takin an lo thih phah tawhna a nih avangin fiamthu thawh nana hman mai mai chi a ni lo" a lo ti fak fak mai anih chu.