Zirlaibu sem chungchanga SSA leh sorkar sikul zirtirtute inrem lohna chu chin fel a ni. He thu hi School Education Minister, Pu Lalsawta’n vawiin tlai khan kan corr. hrilhin, Department chhunga buaina tenau deuh awm chu chin fel a nih hnuah zirlaite’n an zirlai an tan thei dawn tih a sawi a, an Department chunga buaina awm chu Education Secretary, Pu K.Riachho-a hova chin fel a ni tih sawiin, Federation of Mizoram Government School Teachers leh SSA aiawhten dawhkan kila inbia-a inremna an neih theih tak avangin tha takin an thawk ho dawn tih a sawi. Zawhna chhangin Pu Lalsawta chuan zirlaite’n an zirlai an tan thei tawh dawn tih a sawi a, text bu-te pawh a awm ang ang sem a ni ang a, mahse vawi leh khatah sem vek theih a ni lova, a thleng chhun chhun a tahtawla sem a nih tur thu a sawi.

Hetih lai hian Mizo Zirlai Pawl (MZP) chuan SSA hnuai atanga zirlaibu a thlawna sem a ni chu lawmawm an tih thu sawiin, tun dinhmuna khaw engemawzata zirlaibu la thleng lo leh sem kim a ni lo chu pawi an tih thu an sawi a, hei hi zirlaite ngaih pawimawh tawk loh vang nia an hriat thu sawiin, lehkhabu sem kim thuai turin SSA hotute an ngen a ni. Hemi bakah hian zirlaibu sem tlai a nih chhan leh sem kim a nih loh chhan chhui chiang turin sorkar an ngen a, a mawhphurtu an hmuh chhuah chu a tul anga hrem turin sokar an phut bawk a ni. [zonet.in]

Comments (0)

Subscribe to this comment's feed