MNF Party chuan tun thla ni 23-25 hian General Assembly neiin kum thum chhunga an General Headquarters hruaitute thlanna an nei dawn a, hei vang hian Mizo Hnam Run (MNF Office) pawh a lunphah hle a, dawhkan hrang hrangah duh dan leh ngaihdan an sawi mam mam thin a ni. Nilaini nian Aizawl Vana Pa Hall-ah National Executive Committee an inkhawm dawn a, official nomination chungchang an ngaihtuah ang. MNF hian tun hnai khan an Constitution tidanglamin General Headquarters-a party mipui thlan hruaitu post 3 awm chu 5-ah an tipung a, Vice President pakhat awm thin chu Senior Vice President pakhat leh Vice President pahnih an nei dawn ta a ni. President leh Treasurer nen. Hetia post pahnih siambelh hi tuna a ni laite baka mi thar pahnih lakluh nana tih nia a lan laiin a nilaite thlak duh pawh a awm tho niin a lang.

Pu Zoramthanga chu President-ah thlak thu a ri vak lo a, Senior Vice President-ah Pu Tawnluia awm se, Treasurer-ah a ngai Pu R.Tlanghmingthanga awm se, Vice President-ah mi thar pahnih lut se tih ngaih dan te a awm a, Vice President-ah hian Pute Lalchamliana, Dr. R.Lalthang-liana leh B.Lalthlengliana te awm se, ti an awm bawk a. Chutih laiin Pu R.Tlanghmingthanga chu Vice President pakhatah lut se, ti an awm bawk a, chuti a nih chuan Treasurer-ah chuan Vice President atana hming lang Pu Chama te, Pu Thlenga te, Dr.Lalthangliana te, Pu Van-lalzawma, Ex-MP te, Pu K.Sang-thuama, Ex-MP te hming pawh a lang tho. [mizoaw.com]

Comments (0)

Subscribe to this comment's feed