BCM chuan nimin khan Lunglei Electric Veng Biak In-ah Pro. Pastor lak luhna inkhawm an hmang a, Pro. Pastor atana lak thar mi 8 lak luh an ni a, Aibula Fanai (Theiriat), C.Lalhmangaihzama (Lamthuamthum), R.Lal-nghakliana (Pangzawl) J.Lalpiantluanga (Hnahthial Lungleng), John Lalrinawma (Lawngtlai Salem), Lalrohlua Pachuau (Kawnpui “W’), V.Lalthlamuana (Zotlang), Zadingliana Pachuau (Venglai) te an ni. Heng rawngbawltute hi BCM President, Rev. TC Laltlawmlova’n a la lût a ni. Baptist Church of Mizoram hnuaiah hian Pastor Bial 69 a awm a, Ordained Minister thawk lai 107 leh kumina nemngheh tur 6 an awm bawk. Pro. Pastor kum 3-na bei tur 6 an awm mek a, kum hnihna bei tur 5 leh tuna lak thar 8 bakah kuminah 6 nemngheh an ni dawn a ni. Kum 2009 inchhiarna angin, BCM-ah hian member 1,30,464 an awm a, Pastor pakhatin member 1,890 zel enkawl ang an ni.