Khawvela a ber nih tuma Mizoram sorkarin hma a lakna, cheraw kana khawvela kantu tam ber nih tumna, Guinness Book of Records a tarlan tur chu vawiin khan puitlin a ni ta in, World Record siam a ni ta.
Record siam tur hian Chanmari leh Sikulpuikawn inkar kawngpui dungah cheraw kan a ni a, Lammual-ah a pui ber awmin chuta tang chuan kawngdung amite chu thunun an ni. Cheraw kan a tel zawng zawng te hi mi 10,736 an niin cheraw ‘bu’ 671 a awm a, hetah hian Lammual-ah ringawt bu 156 a awm a ni. Cheraw kan a a ber nihna hi Lucia Sinigagliesi, Adjudicator, Guinness Book of Records, London a miin puangin, certificate pawh Pu P.C. Zoram Sangliana, Art & Culture Minister hnenah a hlan nghal a ni.
Thingtlang lam atanga cheraw kan tute hnenah naktuk hian lawmman pek a ni ang a, Aizawl khawpui a mite chu 15th March, 2010 (Thawhtan) ah  lawmman pek an ni ang. (DIPR)