MTKP Inkhawmpui vawi 44-na chu zanin atanga Pathianni zan, Ni 18–21 March chhung hian  Joint YMA Field, Vaivakawn, Aizawl-ah neih tan a ni dawn ta a. MTKP Inkhawmpuina tur atana pandal hi February 12 atang khan sa tanin, mi 8,000 vel thut theihna tura sak a ni. Zanin inkhawmpui hawn naah hian zaipawl member 200-in hla an rem dawn a, Naktuk hian nilengin BCM biak-in, Kanan-ah rorel inkhawm neih a ni ang a, Inrinni chawhnu inkhawmah Lalpa Zanriah Sakramen kîlho a ni ang. BCM General Secretary, Rev.Dr. K.Thanzauva chu speaker a ni dawn a, thupui atan  'Kristan thuhretu rinawm' tih a ni. BCM-ah hian pastor bial 76-ah TKP unit 367 an awm a ni. MTKP Inkhawmpui hmang tur hian nimin khan Unit engemawzat chu Aizawl panin an kal tawh a, Lunglei khawpui chhung atangin tukkin khan Unit thahnem tak Aizawl panin an kal ve leh bawk. MTKP Inkhawmpui-ah hian Inkhawmpui palai, khualkhua atanga kal mi 5000 chuang an nih rin a ni.