Leiba Nuai 18 chuang inthinna chingfel

Aug ni 15, 2026 (Inrinni) khan District Legal Services Authority, Lunglei buatsaihin Regular Lok Adalat chu Mizoram Bar Association Lunglei Sub-headquarters Building, Lunglei-ah neih a ni a, Lunglei District chhunga thubuai hrang hrang 36 ngaihtuah a ni. Heng thubuaiah hian leiba inthinna te, Nupa inkar buaina te, Damage Suit leh Labour Dispute te a awm.

Lok Adalat-a thubuai ngaihtuah tur hian Bench pakhat a siam niin, Pi Lalthansiami Hnamte, Civil Judge (Senior Division-II in kaihruaiin, Pu B. Laldinpuia, Advocate leh Pi H. Lalruatfeli, Advocate te an thu a. Thubuai ngaihtuahah hian leiba inṭhinna tam berin, Rs.18,77,610/- lai chinfel a ni.

Lok Adalat-ah hian thubuai neitute duhdan angin inremna ziahpui ṭhin a ni a. Sum sen ngai lovin, ukil rawih man ngai lova thubuai hi chinfel sak ṭhin a ni.