Puanthui zirchhuakte thlahna leh Khawl semna hun hmang

06 May 2026: Mizoram KVI Board buatsaihin vawiin chawhnu dar 1:00 khan SAMARTH Scheme hnuaia Puanthui zirchhuakte thlahna leh Khawl semna hun MKVIB Training Centre Chanmari Lungleiah hman a ni.

Hemi puala inkhawm; Pu Hnamhlunchhunga CEO, MKVIB kaihhruaiah Khuallian Pu C.Lalremliana, Chairman MKVIB chuan SAMARTH hnuaia hmalakna leh training programme hi India ram huap pawhin a te lo a ni a ti a, hetihlai hian Lunglei hian training-na tur building tha zawk a mamawh hle a, Sawrkar pawhin a la ngaihtuah ngei a beiseiawm a ti.

Puanthui training chhuakte’n Khawl an dawn chu tangkai taka hmang zui tur leh a pawisa-a dawngtute pawhin a hmanna tur dik tak; an dawn chhan ang ngeia hmang turin Pu C.Lalremliana chuan a chah a ni.

SAMARTH Scheme hnuaia Lunglei tana a hmasa bèr MKVIB-in Puanthui training a pekte hi mi 15 niin, vawiina an mahni thlahna inkhawmah hian an mahni duhthlanna angin mi 3 hnenah Puanthui Khawl; mi 13 hnenah Pawisafai Rs 6,000/- theuh khuallian chuan a hlan a ni.