Pukpui – Tlawng lei hnathawh 60% vel zo tawh; Sekhum – Kanghmun ‘S’ 2028-ah zawh beisei

17 August 2026: Vawiin chawhma lam dar 11:00 khan ZPM Southern Hqrs. Lunglei chuan Chhung Inkhawm Party Office Venglai, Lungleiah neiin, Pu C Lalhuliana Adviser, ZPM Southern Hqrs Lunglei chuan a kaihruai.

Political Session huna thusawitu, 32 Lunglei West Bialtu Pu T. Lalhlimpuia MLA leh PWD Minister puitu ni bawk chuan Lunglei-Thenzawl (ATL Road) chungchang sawiin, Pukpui to Tlawng lei inkar thawhna Rs 23.48 Cr hi 65% vel zawh tawh a ni a, Pavement Quality Concrete (PQC) bik chu estimate angin zawh fel a ni tawh bawk tiin, tun hnathawh theih hunah chuan zawh ngei ngei tura hmalak anih thu a sawi.

Tlawng to Mausen chhak hlek hi Rs 22.40 Cr estimate amount a ni a, 16 % vel chauh la khawih a ni. Tun hnathawh theih hunah chuan zawh ngei ngei tura hmalak mek a ni, a ti.

Mausen to Haulawng Bawlhhlawh paihna thleng hi Rs 10.83 Cr estimate amount a ni a, hei hi company-ah pek fel a ni chiah a, nakum March 2027 chuan zo tura duan a ni, a ti.

Haulawng bawlhhlawh paihna atang a Sekhum hi Rs 35.31 Cr estimate a ni a, hei pawh company-ah pek fel anih tawh thu sawiin, hei pawh hi nakum March 2027-ah chuan zo tura duan anih thu a sawi bawk.

Sekhum leh Kanghmun South inkar erawh hi chu kumin State allocation-in a tlin rih loh avangin phase 3-na atan ruahman a ni tiin, 2028 thal chhunga zo tura ruahman a ni a, hemi estimate-ah hian Side drain turte, road marking leh signboard te telh a ni ang, a ti bawk.

ATL Road siam mek chungchangah Lunglei mipuite thawhpuina leh thlawpna nasa tak a dawng thin chu lawmawm a tih thu Pu Mahlima MLA chuan sawiin, Road investment (kawngpui siam) hi thil na mai a ni lo va, hun leh sum a duh hle a, sum awm mahse hun hian thil thui tak a hril a, theih tawpa kan tang chung pawhin vawiin a kan thlen chin erawh inthiam loh a na duh hle a ni, a ti.

Sazaikawn leh Hauruang inkar kawnga bawlhlawh hi tunlai Lunglei issue a tling a, Environment lama kan mi hrat te pawhin FIR hial an thehlut a, kan bawlhhlawh tihral vekna tur project tunah hian kalpui mek a ni a, a hlawhtlin thuai hi kan mamawh hle a ni a ti.

Khulai hmun khu UD&PA department lamin project an kalpui lai mek; a hmawr bawkna peihfel tep a ni a, chutih laiin kan bawlhhlawh te sawngbawl turin hna la zawh fel anih chiah loh avang leh a enkawltu tur Lunglei Municipal Council kuta a la awm loh avangin hma lak zung zung a la harsa hle a ni, a ti.