‘Vande Mataram’ a hla tluana play loh ni se an ti

14 Aug 2026: Mizo Zirlai Pawl Headquarters Lunglei chuan thuchhuah siamin, Ni 15 August, 2026 (Inrinni) a India ram Independence Day lawmna atana National Song- ‘Vande Mataram’ a hla tluana play tura ruahmanna awm chu pawi a ti em em a, he hla chang1-na leh chang 2-na chin hi Sakhua dang tan pawha sak/play pawilo leh himah kan ngai a, hemi piahlam chang 3-na atang hi chuan Hindu sakhuaa an pathian pawimawh em em fakna hla anga ngaih theih a nih avangin Mizoram chhungah chuan ‘Vande Mataram’ hi MZP Hqrs Lunglei chuan a hla tluana play loh ni se a ti.

Mizorama Independence Day hmun hrang hranga kan hmannaah ‘Vande Mataram’ hi chang1-na leh chang 2-na chiah hi play nise tiin MZP Hqrs Lunglei chuan thuneitute hnenah a ngen a. India ram sakhaw hrang hrang kan chen hona hmunah hian sakhaw zalenna kan neih ang ngeiin tih luihna tel lova kan sakhaw tana him chin theuha kan awm zel theihna tur leh Mizote’n kan ram leh hnam leh kan sakhuate kan chawisan zelna atan Mizoram mipuite chuan hetiang anga intihluihna hi dodal ngam zel turin MZP Hqrs Lunglei chuan a ngen nghal bawk, an ti.