Pu Nunmawia’n vaimim quintal 400 a thar

23 October, 2026 : Khawzawl District Agriculture Office kaltlangin Rashtriya Krishi Vikas Yojana (RKVY) scheme hnuaiah Pu Nunmawia, Tualte khua chuan vaimim variety CP-808 chu tin 15 hmunah bi nuai 2-ah April, 2026 khan a ching tan a. September, 2026 khan vaimim sengin kawm 2,50,000 atanga kawm 3,00,000 vel a thar a, a vaiin quintal 400 chho vel a thar a ni. Pu Nunmawia hian a huanah hian vawk 60 vel a vulh a, heng a vaimim tharte hi her lehin a vawk ho chawm nan a hmang a ni.

Khawzawl DAO chuan Pu Nunmawia hi vaimim chi CP-808, 1.5 qtl vel an pe a, a chin dan inzirtirna Technical Training chu March thla khan an nei bawk a, a thlai awm lai leh a seng hnu thlengin an endik (monitor) reng a, a seng hnuah vaimim khuhna tur silpaulin fim pek a ni a, a dah khawlna tur thlam saknaah DAO chuan an pui a, vaimim nuaina khawl pek a ni bawk.