Cyber Security leh AI chungchang zirho

30 April 2026: Vawiin khan Lunglei S.P ruahmannain MJA Lunglei member-te Cyber Security leh AI chungchang zirhona S.P Office Computer Laboratory-ah buatsaih a ni.

Lunglei S.P Pu J.Lalmuankima chuan AI hi kan hman thiam dan a zirin kan nitin nunah kawng hrang hrangin tangkaina a nei a, a bik takin hriselna kawngah hman thiam chuan a tangkai hle tiin, tawng thiamna atan pawh a tangkai hle a ti bawk.

Mizoram Police-te hian MJA-te nena thawhho that hi kan duh a, a bik takin Lunglei DEF phei chuan Journalist-te hi kan ngaipawimawh hle a, thawhhona pawh kan nei tha thin a ti.

Vawiina zirhonaah hian mithiam bikte hmangin, AI chu mihring ang thei ber tur; chhia leh tha hriatna tak tak nei si lo; thil tha leh chhia hre thei si; thil tawn ang zela insiamrem ve thei si khawl anih dan te, mihring tam takin hun rei zawk hmanga hna an thawh theih hun reilote a thawk leh ngaihtuah chhuak thei anih dan te, ti sual theilo hial anga ngaih a ni tih te zirho a ni.

Mizo AI pahnih- Lushai leh Arsi an awm laiin Gemini AI hi tun dinhmunah chuan Mizo AI atan hman tlak ber leh Mizo tawng thiam ber nia an hriat thu zirtirna petute chuan sawiin, hetihlai hian Mizo AI pahnih te pawh hman tam chuan fing tulh tulh tur an nih thu an sawi.

Cyber Security bikah Phising hmanga pawi hrang hrang khawih theih anih dan te, OTP midang pek a him loh dan te Youtube Account Hack tum reng an awm thu leh fimkhur dan turte, Fake Customer Care hmanga inbumna a bikin hnamdangten an uar thute bakah Encryption leh Decryption chungchangte zirho a ni.