Lunglei SP-in Town VDP Co-Ordination Committee hruaitute a kawm

15 Sept 2026: Vawiin chawhnu dar 2:00 khan Lunglei SP chuan Lunglei Town VDP Co-Ordination Committee hruaitute a hnathawh pindanah a kawm.

He hunah hian Lunglei SP Pu Shivam Shiddarth chuan ram leh khawtlang tana VDP-te’n hnathawh chhuanawm tak tak an neih thin avangin lawmthu a hrilh a. VDP hruaitute harsatna tawhte leh an mamawh hrang hrangte ngaihthlak sakin, a theih ang anga tihhlawhtlin sak a tum thu leh Police Headquarters lamah pawh thlen sak a tum thu a sawi.

He thutkhawmnaah hian Lunglei khawpui chhunga sualna chi hrang hrang leh ruihhlo do kawnga thawhhona tha zawk nena hmalak zel dan turte sawiho a ni bawk.

Lunglei SP hi Addl. SP Lunglei, DSP (Hqrs) Lunglei leh VDO-te’n an tawiawm a ni.