Chief Minister-in H.Ramdinpuii ral

15th September 2025: Vawiin khan Chief Minister Pu Lalduhoma chuan Mualthuam North-ah H.Ramdinpuii ralna, a nu leh pa H.Lalawmpuia leh HC Vanlalremruati te hnenah a hlan. Chief Minister hian a aiawhin Pi R.Lalrodingi, OSD to CM chu a tir a ni.

Pu H.Lalawmpuia chuan, “Kan vanduai a leiah Chief Minister hriat hial kan hlawh a. Min ngaihsakzia kan lo hria a, a chungah kan lawm em em a ni,” tiin Chief Minister chunga an lawmthu an lo hrilh a ni.

H.Ramdinpuii chunga vanduaina rapthlak tak a thlen khan Chief Minister hian a Instagram-ah, “He thila mawhphurtute hi hriat chhuah lohvin an awm tur a ni lo va, an phu tawk hremna an hmu ngei tur a ni,” tiin a post a ni.