Police leh END-ten thubuai 59 an ziaklut

09 Feb 2026: Lunglei Police-te chuan January 2026 chhung khan pawi khawihna hrang hrangah thubuai 14 ziaklutin, thubuai kaihhnawihah hian mi 18 an man.

Lunglei Traffic Police-te’n January 2026 chhung vek khan lirthei khalhtu dan bawhchhia te hnen atanga sum an chawi tir zat chu Rs Nuai 1, Sing 8, Sang 7, a ni a, dan bawhchhia sum an chawi tirte hi HMV 23 atangin Rs Sing 3, Sang 4, 700, MMV 23 atangin Rs Sing 3, Sang 6, 100, LMV – 59 atangin Rs Sing 5, Sang 5, 200, Three Wheeler – 20 atangin Rs Sing 3, Two Whèeler – 29 atangin Rs Sing 3, Sang 1 chawi tir an ni a, dan bawhchhia te hi a tam ber chu Document fel lo leh License nei lova lirthei khalhte an nih bakah lirthei dah phallohna hmuna dahte leh Helmet khum phalloh khumte an ni.

Lunglei Police te hian January thla liamta chhung vek khan Heroin No 4 Gram 24.49 tualchhung hralhna anga Rs Nuai 9, Sing 7, Sang 1, 800 man hu, Ganja Kg 9.720, tualchhung hralhna rate a Rs Nuai 4, Sing 8, Sang 6 man hu, Rakzu Litres 705, tualchhung hralhna rate a Rs Nuai 3, Sing 5, Sang 2, 500 man hu leh Sap Zu umpuitling 27, tualchhung hralahna rate a Rs Sing 4, Sang 3, 200 man hu an man bawk a ni.

Hetihlai hian Excise & Narcotics Department Lungleia thawktute pawhin January 2026 chhung khan MLP Act ’19 hnuaiah thubuai 45 ziaklutin mi 37 an man.

Thubuai an ziahluh kaihhnawihah hian Rakzu litre 529.3, Sap Zu Umpuitling 44 leh um chanve 1, Beer Can 2, Zu bilh lai Tin 572, Yeast Kg 1, Pot 9 leh lirthei 1 an man bawk a ni.