Rs Vbc. 14 chuang senga sak Lunglei Super Market luah theiha peih a ni

03 May 2026:- NEC sum Rs Vbc. 14, Nuai 3, Sing 4 senga sak Lunglei Super Market chu luah theiha peih a ni tawh.

Lunglei Super Market hi Excell Consultancy Services Aizawl chuan kum 2024 October thla atang khan sak hna thawk tanin PWD Building Division Lunglei chuan an enkawl a; thla liamta April khan luah luh theihin an peih fel a ni.

Lunglei Super Market sak zawh tak hi Zopa chhiara chhawng li niin; a chhungah hian dawr 205 a awm bakah Police Beat Post 1, Quarter 2 leh Market Office 1 a awm.

Hei bakah hian lirthei Two wheeler 87 leh LMV 20 park theihna tur awmin inthiarna engemawzat a awm bawk.

Lunglei Super Market Building hi sak zawh ni tawh mahse eng tikah nge luah luh anih dawn a la hriat loh va, tuna enkawltu PWD Building Division Lunglei chuan Super Market enkawl zuitu tur Department-te nen eng hunah nge an inhlan chhawn dawn tih an la hriat loh thu an sawi.