Sum sen ngai lo leh ukil rawih man ngai lovin thubuai chingfel leh

12 Sept 2026: Vawiin khan District Legal Services Authority, Lunglei buatsaihin National Lok Adalat chu District Court Building, Lunglei-ah hman a ni a. Lunglei District chhunga thubuai hrang hrang 152 ngaihtuah a ni. Heng thubuaiah hian leiba inthinna te, Bank recovery case, Money Suit leh Labour Dispute Case te ngaihtuah a ni.

Vawiin Lok Adalat-a thubuai ngaihtuah tur hian Bench pahnih siam niin, Bench I hi Pi Lalthansiami Hnamte, Civil Judge (Senior Division-II in kaihruaiin, Pi H. Lalruatfeli,  Advocate leh Pu H. Vanlallawma, Social Worker te an thu.

Bench II hi Pi Baby Lalnunpuii, Judicial Magistrate First Class-in kaihruaiin, Pu B.Laldinpuia, Advocate leh Pi Zonunmawii, Social Worker te an thu a ni.

Vawiin a thubuai ngaihtuahah hian Bank Recovery Case leh Money Suit tam berin, Rs. 60,73,777/- lai chinfel a ni.

Lok Adalat-ah hian thubuai neitute duhdan angin inremna ziahpui ṭhin a ni a. Sum sen ngai lovin, ukil rawih man ngai lova thubuai hi chinfel sak ṭhin a ni.