Thutiam anga an awm loh dan kum 2028-ah theihnghilh a rinawmlo niin tarlang

13 July 2026: Vawiin chawhma dar 11:00 khan Lunglei District Congress Committee chuan LDCC Bhawan-ah chhung inkhawm leh Political Session hun an hmang.

Inkhawm hi Pi Lalenkawli Pautu Executive Member-in kaihruaiin, Pi H.Lalthanzauvi Secretary-in Pathian hnena inhlanna hun a hmang.

Political Session huna thusawitu LDCC President Pu R.Lalnunthara chuan, tunlai ruah sur nasa avanga Lunglei District chhunga chhiatna hrang hrang tuartute LDCC chuan a tawrhpui thu a sawi a. Vawiina kan kawng dinhmun en hian kawng tha siam min tiamtute kha khawiah nge an awm taka engatinge khaw that lai hian kawng an siam thiam tlat loh, kum 2023 MLA inthlan dawna kawng siam an vei zia leh siam an tum zia an sawi te kha an hre ta lo nge Company lam an mawhpuh leh dawn? Kawng siam nana Oil mana Cess an lak tawh zawng zawng Vaibelchhe tam tak awm tawhte hi khawiah nge an dah tak Pu Mathara chuan a ti.

Kum 15 daih kawng tha min tiamtute hi kum 2028-ah chuan Zoram mipuite hian an thutiam anga an awm loh dan hi kan theihnghilh a rinawm lo, a ti.

Kum 2028 inthlanpuiah Congress a sawrkar chuan LMC kalphung hi mipuite duhdan angin kan ennawn anga, phuahchawp dan mumal awm lova chhiah khawn vak vakte hi kan ennawn ang LDCC President hian a ti.

MUCHS mamawhna a vanga chhawrtute kan lawmpui a, inziahluhna man sang lutuk leh mipui tam zawk tana phurrit a ni tel hi kan sawrkar chuan kan ennawn dawn. Mipui sum, mipui thawhkhawm ni si; a nihna ang taka an sawi chhuak ngam lo te hi thil diklo a ni a, kan sawrkar chuan hengte pawh hi langtlang takin kalpui a ni ang, a ti.

Congress chu mahni thutiam anga awm thin a nih angin NLUP tha zawk kan sem leh anga, khawpui chhunga khawsa thalai lehkhathiamte tan an eizawnna tur kan ngaihtuah bawk ang Pu Mathara chuan a ti.